កត្តុ

ចូឡធាតុបច្ចយជោតិកា

ករោតីតិ កត្តា, អត្តប្បធានោ ហុត្វា កត្តុកម្មដ្ឋំ គមនបចនាទិកំ ក្រិយំ ករោតិ និប្ផាទេតីតិ កត្តា, ករ ករណេ, សព្វតោ ណ្វុត្វាវី វាតិ បទរូបសិទ្ធិសុត្តេន តុបច្ចយោ, ករស្ស ច តត្តំ តុស្មិន្តិ សុត្តេន ធាតុស្ស អន្តស្ស រការស្ស តការត្តំ តុប្បច្ចយេ បរេ, សត្ថុបិតាទីនមា សិស្មិំ សិលោបោ ចាតិ អាត្តំ សិលោបោ. អថោ កត្ថចិ កត្តុសទ្ទោ អមច្ចវាចកោ ហោតិបិ. សោ ឧបរិ ខត្តុសទ្ទតោ គហេតព្វោ. ឯវំ ការិតា, ការេតា, ការាបិតា, ណេណាបេបច្ចយោយំ.