កោសម្ព

ចូឡធាតុបច្ចយជោតិកា

តិត្តេន កុសីយតិ អក្កោសីយតីតិ កោសម្ពោ, កុស អក្កោសេ, និម្ពាទយោតិ មោគ្គល្លានសុត្តេន ពោ, កុសិស្ស អមុក៑. កោសម្ពិយំ ភវោ កោសម្ពោ, តត្រ ភវេតិ និរុត្តិទីបនីសុត្តេន ណោ. កោសម្ពិយំ ជាតោ, កោសម្ពិយា អាគតោ, កោសម្ពី អស្ស និវាសោតិ វា កោសម្ពិយា ឥស្សរោតិ វា កោសម្ពោ, កោសម្ពកោ, ណ រាគា តេន រត្តំ ឥច្ចាទោ អញ្ញត្ថគ្គហណេន ណបច្ចយោ ជាតាទីសុ, សព្វតោគ្គហណេន តទ្ធិតតោបិ ក្វចិ សសរកការាគមោ. ឯវំ កោសិនារោ, កោសិនារកោ, វេសាលោ, វេសាលកោ. សាកេតោ, សាកេតកោ, ឥច្ចាទិ.