កោសម្ពី

ចូឡធាតុបច្ចយជោតិកា

ទសហិ សទ្ទេហិ កុសន្តិ អវ្ហាយន្តិ ឯត្ថាតិ កោសម្ពី, កុស អវ្ហានេ, ពោ, ឦ. កុសម្ពស្ស ឥសិនោ អស្សមតោ អវិទូរេ មាបិតត្តា និវាសនដ្ឋានេ វា កោសម្ពី, កុសម្ព + ណោ, ឦ. កោសម្ពរុក្ខវន្តតាយ វា កោសម្ពី នគរី, ភវត្ថេ ណបច្ចយោ, ឥត្ថិយំ ឦ. កុសម្ពេន នាម ឥសិនា និព្វត្តា កោសម្ពី, តេន និព្វត្តេតិ មោគ្គល្លានសុត្តេន តតិយន្តា និព្វត្តេ ទេសេ តន្នាមេ ណោ ហោតិ, ថិយំ ឦ. ឯវំ កាកន្ទី មាកន្ទី, សាហស្សី.