ខ

ចូឡធាតុបច្ចយជោតិកា

ខិយតិ ឥស្សរិយំ ករោតីតិ ខំ ឥន្ទ្រិយំ, ខិ ឥស្សរេ, អ. បក្ខន្ទន្តិ សកុណា ឯត្ថាតិ ខំ អាកាសោ, ខទិ បក្ខន្ទេ, ក្វិ, ធាត្វន្តលោបោ. ខក្ខន្តិ ហស្នតិ មោទន្តិ ទេវា ឯត្ថាតិ ខំ សគ្គោ, ខក្ខ ហាសមោទនេសុ, ក្វិ, ក្ខលោបោ. ខីយន្តិ អន្ត- គវេសនតាយ មរណំ បាបុណន្តិ ឯត្ថាតិ ខំ សុញ្ញតំ, ខិ ខយេ, អ. ព្យវធានំ ខណតីតិ ខំ, ខណ ខណនេ, ក្វិ. សទ្ទនីតិបទមាលាយំ តត្រិន្ទ្រិយំ ចក្ខុវិញ្ញាណាទីនំ គតិនិវាសភាគតោ ខន្តិ វុច្ចតិ. អាកាសំ វិវិត្តដ្ឋេន. សគ្គោ កតសុចរិតេហិ ឯកន្តេន គន្តព្វតាយ ខន្តិ សង្ខំ គច្ឆតីតិ វុត្តំ. ខសទ្ទោ ឥន្ទ្រិយាកាសសគ្គតុច្ឆ- វិវិត្តរិត្តសុញ្ញតាទ្យត្ថេសុ បវត្តតិ.