ខត្តុ

ចូឡធាតុបច្ចយជោតិកា

រាជកិច្ចំ ករោតីតិ ខត្តា អមច្ចោ, កត្តា វា, ករ ករណេ, តុ, កស្ស ខត្តំ. សទ្ទនីតិសុត្តមាលាយំ វុត្តំ ខត្តាតិ ចេត្ថ សព្វកម្មិកោ អមច្ចោ. កត្តាតិ ច ខត្តាតិ ច ឧភយម្បេតំ អនត្ថន្តរន្តិ. ឯតេ សទ្ទា ឧការន្តា រូបន្តរវសេន សត្ថុសទ្ទតោ កិញ្ចិ ភិជ្ជន្តិ តេន ហិ ភោ ខត្តេ យេន ចម្បេយ្យកា ព្រាហ្មណគហបតិកា តេនុបសង្កមិ, ឧដ្ឋេហិ កត្តេ តរមានោ គន្ត្វា វេស្សន្តរំ វទ ឥតី ច បយោគទស្សនតោ. ខត្តេ, កត្តេតិ ច ឥទំ អាលបនេកវចនរូបំ, សខតោ គស្សេ វាតិ វាគ្គហណេន គស្ស ឯត្តំ.