គាណ្ឌីវធន្វា

ចូឡធាតុបច្ចយជោតិកា

គាណ្ឌី អស្ស អត្ថីតិ គាណ្ឌីវោ, និរុត្តិទីបនិយំ គាណ្ឌី វុច្ចតិ សន្ធិ, ពហវោ គាណ្ឌី អស្មិំ អត្ថីតិ គាណ្ឌីវំ, ធនូតិ វុត្តំ, តថា តទ្ធិតកណ្ឌេ គាណ្ឌីវធនុ អស្ស អត្ថិ, អស្មិំ វា វិជ្ជតីតិ គាណ្ឌីវធន្វា, [វន្តុបច្ចយោ], ព្យញ្ជនេ បុព្វស្សរលោបោតិ. បញ្ចិកាដីកាយំ គណ្ឌស្ស គណ្ឌមិគសិង្គស្ស អយំ គាណ្ឌី, សោ អស្ស អត្ថីតិ គាណ្ឌីតិ គាណ្ឌីវោតិ. បយោគសិទ្ធិយំ គាណ្ឌីមេណ្ឌសិង្គមស្ស អត្ថីតិ គាណ្ឌីវំ, ធនូតិ វុត្តំ. មុគ្ធពោធដីកាយម្បន គាណ្ឌី គន្ថិ. សោ អត្ថិ អស្ស អស្មិំ វា គាណ្ឌីវោ អជ្ជុនធនូតិ វុត្តំ. គាណ្ឌីវោ ធនុ អស្សាតិ គាណ្ឌីវធន្វា, ធនុម្ហា ចាតិ ធនុម្ហា សមាសន្តេ អាបច្ចយោ, វមោទុទន្តានន្តិ វការោ. ស្យុប្បត្តិ, សិលោបោ សា វិយ. សទ្ទនីតិយំ កណ្ឌិវធន្វាតិ ឥទមត្ថិ, កណ្ឌិ អស្ស អត្ថីតិ កណ្ឌិវោ, វបច្ចយោ. កណ្ឌិវោ ធនុ អស្សាតិ កណ្ឌិវធន្វា, អា ធន្វាទិតោតិ សមាសន្តគតេហិ ធនុសទ្ទាទីហិ ក្វចិ អាបច្ចយោ ហោតិ.