គុណ៑

សទ្ទានុក្រមបាលីខ្មែរ

អាមន្តនេ ... "ហៅ, អញ្ជើញ" ចុ. ។ ធាតុនេះ ស. មិនសំដែងរូបសិទ្ធិកិរិយាទុកទេ ឃើញមានតែប៉ុណ្ណោះ អ្នកប្រាជ្ញគួរពិចារណាកាន់យកចុះ ។ អភិធម្មត្ថវិភាវិនី ពោលថា គុណោ ចាកធាតុនេះ ។ វិ. គោណាបីយតិ អាមន្តាបីយតិ អត្តនិ បតិដ្ឋិតោ បុគ្គលោ ទដ្ឋុំ សោតុំ បូជិតុញ្ច ឥច្ឆន្តេហិ ជនេហីតិ គុណោ (-សូចិ) "បុគ្គលស្ថិតនៅជិតខ្លួន ដែលជនទ. កាលចង់ឃើញស្ដាប់បូជា ឲ្យហៅមក ឈ្មោះថាគុណ" គុណោ បុំ. "គុណ, សេចក្ដីល្អ, សេចក្ដីត្រូវ, ការប្រព្រឹត្តល្អ, ជាន់, ថ្នាក់, អានិសង្ឃ, កង, ពួក, កាមគុណ ៥, មិនមែនជាបទប្រធាន គឺជាបទវិសេសនៈ, តិច, ខ្សែធ្នូ, ការរាប់ទ្វេឡើង, ចំណង, ចំណែក" ។