ចន្ទិមន្តុ

ចូឡធាតុបច្ចយជោតិកា

ចន្ទំ កប្បូរំ មាតិ សទិសំ នយតីតិ ចន្ទិមា, ចន្ទសទ្ទូបបទ - មា ឧបមានេ, អ, ឥការាទេសោ. អថវា ចន្ទវិមានសង្ខាតោ ចន្ទោ អស្ស អត្ថីតិ ចន្ទិមា សសី, ចន្ទាទិតោ ឥមន្តូតិ សទ្ទនីតិសុត្តេន ឥមន្តុបច្ចយោ. ចន្ទសង្ខាតំ វិមានំ អាស្ស អត្ថីតិ ចន្ទិមា, ទេវបុត្តោ, ឧបចារេន បន វិមានម្បិ ចន្ទិមាតិ វុច្ចតិ, ទេវបុត្តោបិ ចន្ទោតិ វុច្ចតិ. កេចិ បន សក្កដភាសតោ នយំ គហេត្វា ចន្ទមាតិ បឋិន្តិ, តំ ន យុត្តំ.