ចាតុមហារាជិក

ចូឡធាតុបច្ចយជោតិកា

ចតុមហារាជេសុ ភត្តា ចាតុមហារាជិកា, តត្ថ វសតិ វិទិតោ ភត្តោ និយុត្តោតិ ណិកោ. ចតុមហារាជេ ភត្តិ ឯតេសន្តិ ចាតុមហារាជិកា, យេន វា សំសដ្ឋន្តិអាទិនា ណិកោ. អភិធម្មត្ថ- សង្គហទីបនីដីកាយំ បន និព្វចនំ កតំ ចតូសុ មហារាជេសុ ភត្តិ ភជនំ ឯតេសន្តិ ចាតុមហារាជិកា, អស្សត្ថិតទ្ធិតមិទំ, ភត្តិបទលោបោ. ចតុន្នំ វា មហារាជានំ និវាសដ្ឋានភូតេ ចតុមហារាជេ ភវាតិ ចាតុមហារាជិកា, ភវតទ្ធិតមិទំ. ចាតុមហារាជិកានំ និវាសភូតា ភូមិ ឥមស្មិំ ភូមិចតុក្កេ ចាតុមហារាជិកាតិ វុច្ចតិ, ចាតុមហា- រាជិកានំ និវាសាតិ ចាតុមហារាជិកាតិ វុត្តំ ហោតីតិ.