ចារិត្ត

ចូឡធាតុបច្ចយជោតិកា

ចរិតព្វំ កុសលេហិ បូរេតព្វន្តិ ចរិត្តំ, តមេវ ចារិត្តំ កុលានំ អាចារោ, ចរ បូរណេ, តោ, ទ្វិត្តំ. តេសុ វុទ្ធីតិអាទិនា ទីឃោ. ចរិតព្វំ កាតព្វន្តិ ចារិត្តំ, ចរ ករណេ, ណិត្តោ. ចរិតានំ គណោ ចារិត្តំ ខន្ធកសីលសមូហោ, ចរ ចរណេ, វទាទីហិ ណិត្តោ គណេតិ បទរូបសិទ្ធិសុត្តេន ណិត្តបច្ចយោ. ចរីយតេតិ ចារិត្តំ, ចរ ចរណេ, យោគវិភាគេន ណិត្តោ. ចរន្តិ តស្មិំ បរិបូរការិតាយាតិ ចរិត្តំ, ចរន្តិ តេន សីលេសុ បរិបូរិការិតំ ឧបគច្ឆន្តីតិ ចរិត្តំ, ចរិត្តមេវ ចារិត្តំ, ចារិត្តសីលំ, ចរ ចរណេ, តោ, ឥការាគមោ, សកត្ថេ ណោ.