ចិត្តិទ្ធិបាទ

ចូឡធាតុបច្ចយជោតិកា

ឥជ្ឈតិ អធិដ្ឋានាទិកមេតាយាតិ ឥទ្ធិ ឥទ្ធិវិធញាណំ, ឯតាយាតិ អភិញ្ញាយាតិ អត្ថោ. ឥជ្ឈតិ សមិជ្ឈតីតិ វា ឥទ្ធិ លោកិយលោកុត្តរធម្មវិសេសោ, ឥធ សមិជ្ឈនេ, តិ. បជ្ជតេ បាបុណិយតេ អនេនាតិ បាទោ ឆន្ទាទិការណធម្មោ, អនេនាតិ ការណធម្មេនាតិ អត្ថោ, ឥទ្ធិយា បាទោ ឥទ្ធិបាទោ, អធិគមុបាយោ អត្ថោ. បជ្ជន្ត បតិដ្ឋហន្តិ ឯត្ថ ឥទ្ធិយោតិ វា បាទោ, ឥទ្ធិ ឯវ វា បាទោ ឥទ្ធិបាទោ, ឥទ្ធិកោដ្ឋាសោតិ អត្ថោ, ចិត្តមេវ ឥទ្ធិបាទោ ចិត្តិទ្ធិបាទោ. ចិត្តំ ជេដ្ឋកំ ចិត្តំ ធុរំ ចិត្តំ បុព្វង្គមំ កត្វា បវត្តោ ឥទ្ធិបាទោតិ វា ចិត្តិទ្ធិបាទោ.