ចេតនា

ចូឡធាតុបច្ចយជោតិកា

ចេតេតិ សទ្ធិំ អត្តនា សម្បយត្តធម្មេ អារម្មណេ អភិសន្ទហតីតិ ចេតនា, ចិត អភិសន្ទាហេ, យុបច្ចយោ, ថិយំ អា. អភិធម្មត្ថ- សង្គហទីបនីដីកាយំ បន អត្តនា សទ្ធិំ ជាតេ សម្បយុត្តធម្មេ ចេតេតិ អភិសន្ទហតីតិ ចេតនា. សង្ខតាភិសង្ខរណេ ព្យាបារមាបជ្ជតីតិ វា ចេតនា, ចិត ចេតាយន្តិ ធាតុ, យូតិ វចនត្ថោ ធាតុ- បច្ចយវិភាគោ ច កតោ. ចេតយតិ បកប្បេតីតិ ចេតនា, ចិត បកប្បនេ. ចេតយតិ អាយូហតីតិ ចេតនា, ចិត អាយូហនេ. ចេតយតីតិ ចេតនា, ចិត សញ្ចេតនេ, យុ, ថិយំ អា, ឥស្សេ. ចេតន្តិ សម្បយុត្តា ធម្មា ឯតាយាតិ ចេតនា, ចិតិ ចិន្តាយំ, អនបច្ចយោ, ថិយំ អា. ឥមានិ ច ចេតនាយ នាមានិ សញ្ចេនា ចេតយិតំ, ចេតនា កម្មមេវ ច កម្មញ្ហិ ចេតនាត្វេវ, ជិនេនាហច្ច ភាសិតំ