ឆន្ទិទ្ធិបាទ

ចូឡធាតុបច្ចយជោតិកា

ឥជ្ឈតិ អធិដ្ឋានាទិកមេតាយាតិ ឥទ្ធិ, ឥទ្ធិវិធញាណំ, ឯតាយាតិ អភិញ្ញាយាតិ អត្ថោ. ឥជ្ឈតិ សមិជ្ឈតិ វា ឥទ្ធិ, លោកិយ- លោកុត្តរធម្មវិសេសោ, ឥធ សមិជ្ឈនេ, តិ. បជ្ជតេ បាបុណិយតេ អនេនាតិ បាទោ, ឆន្ទាទិការណធម្មោ, អនេនាតិ ការណធម្មេនាតិ អត្ថោ, ឥទ្ធិយា បាទោ ឥទ្ធិបាទោ, អធិគមុបាយោ អត្ថោ. បជ្ជន្តិ បតិដ្ឋហន្តិ ឯត្ថ ឥទ្ធិយោតិ វា បាទោ, ឥទ្ធិ ឯវ វា បាទោ ឥទ្ធិបាទោ, ឥទ្ធិកោដ្ឋាសោតិ អត្ថោ, ឆន្ទោយេវ ឥទ្ធិបាទោ ឆន្ទិទ្ធិបាទោ. ឆន្ទំ ជេដ្ឋកំ ឆន្ទំ ធុរំ បុព្វង្គមំ កត្វា បវត្តោ ឥទ្ធិបាទោតិ វា ឆន្ទិទ្ធិបាទោ, ឯសេវ នយោ វីរិយិទ្ធិ-បាទាទីសុ.