ជយម្បតិ

ចូឡធាតុបច្ចយជោតិកា

ជាយា ច បតិ ច ជយម្បតិ, ជាយាសទ្ទស្ស បតិម្ហិ បរេ ជយំ យទាទិនា. ជយម្បតិកា តុទំបតី ជានិបតីតិ បាឋា, និគ្គហីតាគមោ, ក្វចាទិនា រស្សត្តំ, ក្វចិសមាសន្តគតានន្តិអាទិនា កបច្ចយោ, បរបទេសុ ជាយាយ តុទំជានិ បតិម្ហីតិ សុត្តេន ជាយាសទ្ទស្ស តុទំជានិឥច្ចេតេ អាទេសា. និរុត្តិទីបនិយំ បុត្តំ ជនេតីតិ ជាយា, ជាយា ច បតិ ច ជាយម្បតី. អថ វា ជាយម្បតីតិ ឥទំ សន្ធិ- វិធិនា វ សិទ្ធំ, តស្មា ជម្បតីតិ បាឋោ សិយា យា ទេវរាជា សុជម្បតីតិ, យថា ច សក្កតគន្ថេសុ ទារោ ច បតិ ច ទម្បតីតិ. ឥធ បន មហាវុត្តិនា បតិម្ហិ សុជាតាយ សុជំ ហោតិ, ទារស្ស ច ទំ ហោតិ, តថា ជាយា ច បតិ ច ជម្បតីតិ និដ្ឋំ គន្តព្វំ. យញ្ច វុត្តិយំ çជានិបតីតិ បកត្យន្តរេន សិទ្ធំ. តថា ទម្បតីតិ វុត្តំ. តត្ថ បុត្តំ ជនេតីតិ ជានី. ជានី ច បតិ ច ជានីបតីតិ យុជ្ជតិ. តុទម្បតីតិ បាឋោ. កច្ចាយនេ ច ជាយាយ តុ ទំជានិ បតិម្ហីតិ. តត្ថ តុសទ្ទោ បទបូរណមត្តេ យុជ្ជតីតិ វុត្តំ.