ជាតក

ចូឡធាតុបច្ចយជោតិកា

ជាតំ ភូតំ អតីតំ ភគវតោ ចរិយំ, ជាតំ កីយតិ កថីយតិ ឯតេនាតិ ជាតកំ, ជាតសទ្ទូបបទ - កីធាតុ, អ. ជាតំ ភូតំ បុរាវុដ្ឋំ ភគវតោ បុព្វចរិតំ កាយតិ កថេតិ បកាសេតីតិ ជាតកំ. ជាតំ កុយ្យតិ កិយ្យតិ កថីយតិ ឯតេនាតិ ជាតកំ, ជាតសទ្ទូបបទ - កេ កុ សទ្ទេ, អ. ជាតំ ភូតំ អតីតំ អត្តនោ ចរិតំ កាយតិ កថេតិ ភគវា ឯតេនាតិ ជាតកំ, ជាតសទ្ទូបបទ - កេ សទ្ទេ, អ. ជាតកបាឡិ ហិ ឥធ ជាតកន្តិ វុត្តំ, អញ្ញត្រ បន ជាតំឯវ ជាតកន្តិ គហេតព្វា, សកត្ថេ កោ តថា ហិ ជាតកសទ្ទោ បរិយត្តិយម្បិ វត្តតិ ឥតិវុត្តកំ ជាតកំ អព្ភុតធម្មន្តិអាទីសុ, ជាតិយម្បិ វត្តតិ ជាតកំ សមោធានេសីតិអាទីសុ.