ដីកា

ចូឡធាតុបច្ចយជោតិកា

អត្ថោ ដិកិយតិ ញាយតីតិ ដីកា, ដិកិ ញាណេ, អ, ថិយំ អា, ទីឃោ ច. ដិកីយតិ ដីកីយតិ ជានិយតិ អដ្ឋកថាយត្ថោ ឯតាយាតិ ដីកា, ដិក ដីក ដេក វា យាយនេ, អ, ថិយំ អា. ដិកិយតិ ជានិយតិ សំវណ្ណនាយ អត្ថោ ឯតាយាតិ ដីកា, តិក ដិក ដេក គត្យត្ថេ, អ, ថិយំ អា. អដ្ឋកថាយ អត្ថោ ដីកិយតិ គមិយតិ ពុជ្ឈិយតិ ឯត្ថ ឯតាយាតិ វា ដីកា. អដ្ឋកថាយ អត្ថវណ្ណានំ ដីកេតិ ករោតិ ឯត្ថ ឯតាយាតិ វា ដីកា. អដ្ឋកថាយ អត្ថជាននញាណំ ដីកេតិ ភវតិ ឯត្ថ ឯតាយាតិ ដីកា. ដិកេតិ តត្ថ សម្មោហតមំ វិនាសេតិ បទីបោ វិយ អន្ធការន្តិ ដីកា, ដិក វិហាសនេ, អ, ថិយំ អា, អាទិទីឃោ ដីកាសទ្ទោ ហិ ពោធនករណភវនត្ថវាចកោ. អថ វា អដ្ឋកថាយ គុឡ្ហត្ថវិនិច្ឆយេ វិចិកិច្ឆាកង្ខាសង្កាវិមតិទេ្ វឡ្ហក អញ្ញាណសម្មូឡ្ហំ តិយតិ ឆិជ្ជតិ ឯត្ថ ឯតាយាតិ វា ដីកា, ដោ តស្ស, សុខុច្ចារណត្ថំ អាទិទីឃោ. អដ្ឋកថាយ គុឡហត្ថវិនិច្ឆយេ វិចិកិច្ឆាកង្ខាសង្កាវិមតិទេ្វឡ្ហកអញ្ញាណសមុច្ឆេទកំ ញាណំ ទេតិ ឯត្ថ ឯតាយាតិ វា ដីកា, ទា ទានេ, ណ្វុ, ថិយំ អា, តោ ទស្ស យថា សុគតោ, អាស្សី. អដ្ឋកថាត្ថាវពោធកំ ញាណំ ធាតិ អាហរតិ ឯត្ថ ឯតាយាតិ វា ដីកា, ធា អាហរនេ, តោ ធស្ស យថា គន្ធព្វោ. អដ្ឋកថាយ គុឡ្ហត្ថវិនិច្ឆយេ វិចិកិច្ឆា-អណ្ញាណសម្មូហំ ធុនាតិ ឆិន្ទតិ ឯត្ថ ឯតាយាតិ វា ដីកា, ធុ ឆេទនេ, តោ ធស្ស ឧការស្សិ, ទីឃោ ច. ជិនវចនភូតំ បសាទោជមធុរតាទិគុណសម្បន្នំ អាហច្ចភាសិតំ បាឡិំ ឧបាទាយ គណិយមានេតិ បូរណភាវតោ តិណ្ណំ បូរណីតិ តីកា, មជ្ឈក្ខរសុតតិ, ដតា អភេទា. បញ្ចិកា, បញ្ជិកា, វណ្ណនាតិ ឯតេ ដីកាបរិយាយា.