តណ្ហង្ករ

ចូឡធាតុបច្ចយជោតិកា

តណ្ហំ ករោតិ ហិំសតីតិ តណ្ហង្ករោ, តណ្ហសទ្ទូបបទ - ករ ហិំសាយំ, សញ្ញាយមនុឥតិ បទរូបសិទ្ធិសុត្តេន អប្បច្ចយោ នុការាគមោ ច, តេសុ វុទ្ធ្យាទិនា ឧការលោបោ, នុ និគ្គហីតំ បទន្តេតិ បទរូបសិទ្ធិ- សុត្តេន នស្ស និគ្គហីតត្តំ, វគ្គន្តត្តំ. សទ្ទនីតិធាតុមាលាយំ បន វេនេយ្យានំ តណ្ហំ លោភំ ករោតិ ហិំសតីតិ តណ្ហង្ករោ, អថ វា រូបកាយធម្មកាយសម្បត្តិយា អត្តនិ សកលលោកស្ស តណ្ហំ សិនេហំ ករោតិ ជនេតីតិ តណ្ហង្ករោតិ និព្វចនំ កតំ.