តទ្ធិត

ចូឡធាតុបច្ចយជោតិកា

តេសំ ហិតំ តទ្ធិតំ, ត + ហិត, និគ្គហីតញ្ចាតិ និគ្គហីតាគមោ, ទោ ធស្ស ចាតិ សុត្តេន ហស្ស ធោ, មទាយោគវិភាគេន និគ្គហីតស្ស ទោ, អថ វា ហការំ ធការំ កត្វា អសទិសទេ្វភាវោ. សទ្ទនីតិយំ បន សេសតោ មោ ទោ ច សរេ ព្យញ្ជនេ វាតិ ព្យញ្ជនេ និគ្គហីតស្ស ទោ. បទរូបសិទ្ធិយំ តស្មា តិវិធលិង្គតោ បរំ ហុត្វា ហិតា សហិតាតិ តទ្ធិតា, តេសំ វា នាមិកានំ ហិតា ឧបការា តទ្ធិតាតិ វិគ្គហោ កតោ, ត + ហិត, តេសុ វុទ្ធីតិអាទិនា ហិសទ្ទស្ស ធិសទ្ទាទេសោ, និគ្គហីតាគមោ.