តាវតិំស

ចូឡធាតុបច្ចយជោតិកា

មាឃេន មាណវេន សទ្ធិំ តេត្តិំស សហបុញ្ញការិនោ ឯត្ថ និព្វត្តាតិ តំសហចរិតដ្ឋានំ តេត្តិំសំ, តទេវ តាវតិំសំ និរុត្តិនយេន, តំ និវាសោ ឯតេសន្តិ តាវតិំសា, ណបច្ចយោ. មាឃមាណវេន សទ្ធិំ តេត្តិំសសហបុញ្ញការិនោ ឯត្ថ និព្វត្តាតិ តាវសិំសា, អស្មិំ និព្វត្តតទ្ធិតមិទំ, អបច្ចយោ, និបាតនសុត្តេន តេត្តិំសសទ្ទស្ស តាវតិំសាទេសោ. យស្មា បន សហស្សំ ចាតុមហារាជិកានំ សហស្សំ តាវតិំសានន្តិ វចនតោ អញ្ញេសុ ចក្កវាឡេសុបិ ឆកាមាវចរទេវលោកា អត្ថិ, តេសុ តេត្តិំសសហបុញ្ញការិនោ នត្ថិ, តស្មា តាវតិំសាតិ ឯតំ រូឡ្ហីសញ្ញាវ, ន អន្វត្ថសញ្ញាតិ គហេតព្វំ.