ថី
សទ្ទានុក្រមបាលីខ្មែរ
ស្រី (ដូច នារី) ។
ចូឡធាតុបច្ចយជោតិកា
ធារេតីតិ ថី, ធា ធារណេ, អបច្ចយោ, ថិយំ ឦ, ធស្ស ថោ. ថីយតិ សង្ឃាតំ គច្ឆតិ គព្ភោ ឯតិស្សាតិ ថី, តត្រ ថីយតីតិ ឥទំ ឯការស្សីយាទេសវសេន សម្ភូតំ, ថេ សទ្ទសំឃាតេសុ, ឦ. គព្ភោ តិដ្ឋតិ ឯតាយាតិ ថី, ឋា គតិនិវត្តិម្ហិ, អបច្ចយោ, ថិយំ ឦ, ឋស្ស ថោ. យថា ថិយោ នំ បរិភាសិំសុ ឥច្ចាទិ, អាចរិយា បន ឥត្ថីសទ្ទស្សេវ ឯវំ និព្វចនំ វទន្តិ, ន ថីសទ្ទស្ស. កាមានិ នរេ វា ឥច្ឆតិ បុរិសេហិ វា ឥច្ឆិយតីតិ ឥត្ថី, សាយេវ ថី, ឥសុ ឥច្ឆាកន្តីសុ, ឥសាថីតិ ថី, តេសុ វុទ្ធីតិអាទិនា ឥលោបោ. អត្រិមានិ ឥត្ថីនមភិធានានិ ឥត្ថី ថី វនិតា នារី, អពលា ភីរុ សុន្ទរី កន្តា សីមន្តិនី មាតុ-, គាមោ បិយា ច កាមិនី រមណី បមទា ទយិតា, លលនា មហិលាង្គនា តាសំយេវ ច នាមានិ, អវត្ថាតោ ឥមានិបិ គោរី ច ទារិកា កញ្ញា, កុមារី ច កុមារិកា យុវតី តរុណី មាណ-, វិកា ថេរី មហល្លិកា. តថាហិ អដ្ឋវស្សិកា គោរីតិបិ ទារិកាតិបិ វុច្ចតិ, ទសវស្សិកា កញ្ញាតិ វុច្ចតិ, អនិព្វិទ្ធា វា យោព្វនិត្ថី កញ្ញាតិ វុច្ចតិ, ទ្វាទសវស្សិកា កុមារីតិបិ វុច្ចតិ កុមារិកាតិបិ, អថោ ជរំ អប្បត្តា យុវតីតិបិ តរុណីតិបិ មាណវិកាតិបិ វុច្ចតិ, ជរំ បត្តា បន ថេរីតិបិ មហល្លិកាតិបិ វុច្ចតិ, បុរិសេសុបិ អយំ នយោ យថារហំ វេទិតព្វោ, កិញ្ចាបេត្ថ ឯវំ និយមោ វុត្តោ, តថាបិ កត្ថចិ អនិយមវសេនបិ វោហារោ បវត្តតិ, ឯត្ថ ច វិត្ថារោ សទ្ទនីតិ- ធាតុមាលាយំ ឱលោកេតព្វោ.