ទក្ខិណា

ចូឡធាតុបច្ចយជោតិកា

សត្តា ទក្ខន្តិ វុឌ្ឍន្តិ [វទ្ធន្តិ] ឯតាយ យថាធិប្បេតាហិ សម្បត្តីហិ ឥទ្ធា វុឌ្ឍា [វុទ្ធា] ឧក្កំសគតា ហោន្តីតិ ទក្ខិណា ទាតព្វវត្ថុ, ទក្ខ វុទ្ធិយំ, ឥណោ, អា. ទក្ខន្តិ វឌ្ឍន្តិ សត្តា ឯតាយ ចេតនាយាតិ ទក្ខិណា, វជាទិនា ទក្ខតោ ឥណោ, បុន អា. ទក្ខន្តិ បណីតភាវេន សត្តា បញ្ញាបេន្តិ ឯតាយាតិ ទក្ខិណា, ធាតូនំ អនេកត្ថត្តា ទក្ខ បញ្ញាបនេតិ ធាតុ, ទក្ខតោ ឥណោ. ទាតព្វាតិ ទក្ខិណា, ទា ទានេ, ទាតោ ក្ខិណោតិ សទ្ទនីតិសុត្តេន ក្ខិណោ, ថិយំ អា. ទក្ខតិ វុទ្ធិំ គច្ឆតិ ឯតាយាតិ ទក្ខិណា កុសលំ, ទក្ខ វុទ្ធិយំ, តិជកសតសទក្ខា កិណោ ជស្ស ខោ ចាតិ មោគ្គល្លានសុត្តេន កិណោ. កម្មផលំ សទ្ទហិត្វា ទាតព្វទានំ ទក្ខិណា, ទា ទានេ, ក្ខិណោ, ថិយំ អា. ទក្ខិណ- សទ្ទោ កាលទេសាទិវាចកោ បុល្លិង្គោ, ទិសាទិវាចកោ ឥត្ថិលិង្គោ, ឋានាទិវាចកោ នបុំសកលិង្គោ សព្វនាមិកោ. ទក្ខិណសទ្ទោ បន សុសិកខិតត្ថចតុរត្ថវាចកោ ទក្ខិណស្សា វទន្តិ មន្តិ ឯត្ថ វិយ អសព្វនាមិកោ តិលិង្គោ, បេតានំ ទក្ខិណំ ទជ្ជាតិអាទីសុ បន ទេយ្យធម្មវាចកោ ទក្ខិណាសទ្ទោ. និយោគា ឥត្ថិលិង្គោ អសព្វ- នាមិកោយេវ. ឥច្ចស្ស សព្វនាមអសព្វនាមេសុ សង្គហោ វេទិតព្វោ.