ទយា
សទ្ទានុក្រមបាលីខ្មែរ
សេចក្ដីករុណា, សេចក្ដីអាណិត (ដូច ការុញ្ញ) ។
ចូឡធាតុបច្ចយជោតិកា
បរទុក្ខំ អត្តសុខំ ច ទយតិ ហិំសតីតិ ទយា, ទយ ហិំសាយំ. ទុក្ខាបនយនវសេន ទយតិ ទុក្ខិតសត្តេ រក្ខតីតិ ទយា, ទយ ទេ វា រក្ខនេ, អ, ថិយំ អា. ទុក្ខិតសត្តេសុ ទយតិ គច្ឆតីតិ ទយា, ទយ គតិម្ហិ. អត្តានំ អភយំ ទទាតីតិ ទយា, ទា ទានេ, យោ, ទយ ទានេ វា, អ, ថិយំ អា. សទ្ទនីតិធាតុមាលាយំ ទយ ទានគតិហិំសសាទានរក្ខាសូតិ ធាតុំ ឋិបេត្វា ឥទំ វុត្តំ ទយាតិ មេត្តាបិ វុច្ចតិ ករុណាបិ, ទយាបន្នោតិ ឯត្ថ ហិ មេត្តា ទយាតិ, មេត្តចិត្តតំ អាបន្នោតិ ហិ អត្ថោ, អទយាបន្នោតិ ឯត្ថ បន ករុណា ទយាតិ វុច្ចតិ, និក្ករុណតំ អាបន្នោតិ ហិ អត្ថោ, ឯវំ ទយាសទ្ទស្ស មេត្តាករុណាសុ បវត្តិ វេទិតព្វា, តថា ហិ អភិធម្មដីកាយំ វុត្តំ ទយាសទ្ទោ យត្ថ យត្ថ បវត្តតិ, តត្ថ តត្ថ អធិប្បាយវសេន យោជេតព្វោ, ទយាសទ្ទោ ហិ អនុមាខណត្ថំ អន្តោនីតំ កត្វា បវត្តមានោ មេត្តាយ ច ករុណាយ ច បវត្តតីតិ, វចនត្ថោ បនេត្ថ ឯវំ វេទិតព្វោ, ទយតិ ទទាតិ សត្តានំ អភយំ ឯតាយាតិ ទយា, ទយតិ គច្ឆតិ វិភាគំ អកត្វា បាបកល្យាណជនេសុ សមំ វត្តតិ, សីតេន សមំ ផរន្តំ រជោមលញ្ច បវាហេន្តំ ឧទកមិវាតិបិ ទយា, មេត្តា, ទយតិ វា ហិំសតិ ការុណិកំ យាវ យថាធិប្បេតំ បរស្ស ហិតនិប្ផត្តិំ ន បាបុណាតិ តាវាតិ ទយា, ទយតិ អនុគ្គណ្ហាតិ បាបជនម្ហបិ សជ្ជនោ ឯតាយាតិបិ ទយា, ទយតិ អត្តនោ សុខម្បិ បហាយ ខេទំ គណ្ហាតិ សជ្ជនោ ឯតាយាតិបិ ទយា, ទយន្តិ គណ្ហន្តិ ឯតាយ មហាពោធិសត្តា ពុទ្ធភាវាយ អភិនីហារករណកាលេ ហត្ថគតម្បិ អរហត្តផលំ ឆឌ្ឌេត្វា សំសារសាគរតោ សត្តេ សមុទ្ធរិតុកាមា អនសិសាសករំ អតិភយានកំ មហន្តំ សំសារទុក្ខំ, បច្ឆិមភវេ ច សហ អមតធាតុបដ្លាភេន អនេកគុណសមលង្កតំ សព្វញ្ញុតញ្ញាណញ្ចាតិបិ ទយា ករុណា, ករុណាមូលកា ហិ សព្វេ ពុទ្ធគុណា. អបរោ នយោ– ទយន្តិ អនុរក្ខន្តិ សត្តេ ឯតាយ, សយំ វា អនុទយតិ, អនុទយមត្តមេវ វា ឯតន្តិ ទយា, មេត្តា ចេវ ករុណា ច, កិញ្ចិ បយោគមេត្ថ បុត្តេសុ មទ្ទិ ទយេសិ. សស្សុយា សសុរម្ហិ ច, ទយិតព្វោ រថេសភ, តត្ថ ទទេយ្យាតិ ឧប្បតិត្វា គច្ឆេយ្យ, គត្យត្ថវសេនេតំ ទដ្ឋព្វំ, ទយេសីតិ មេត្តចិត្តំ ករេយ្យាសិ, ទយិតព្វោតិ បិយាយិតព្វោ, ឧភយម្បេតំ វិវរណំ រក្ខណត្ថំ អន្តោគធំ កត្វា អធិបាយ្បាយត្ថវសេន កតន្តិ វេទិតព្វន្តិ.