ទយ៑

សទ្ទានុក្រមបាលីខ្មែរ

ទាគតិហឹសាទានរក្ខាសុ ទយតិ "ឲ្យ, ទៅ, បៀតបៀន, កាន់យក, រក្សា..." ភូ. អា. គិជ្ឈោ... មំសបេសឹ អាទាយ ទយេយ្យ "ត្មាតពាំដុំសាច់គប្បីហើរទៅ" ។ បុត្តេសុ មទ្ទិ ទយេសិ "ព្រះនាងមទ្រីទ្រង់គួរមេត្តាករុណាចំពោះព្រះរាជបុត្រទាំងឡាយ"-ស. ។ ទយា ឥ. "សេចក្ដីមេត្តា ឬ ករុណា, ការអនុគ្រោះ, សេចក្ដីស្រឡាញ់ =មេត្តា =ករុណា, (សូចិ) ។ ទយិតោ គុ. "ដែលគួរកាន់យក, គួរប្រាថ្នា ឬ ជាទីគាប់ចិត្ត" ។ ទយិតា ឥ. "ស្រ្តីសាមញ្ញ" ដែលគួររក្សាថែទាំដោយប្រុងប្រយ័ត្ន (សូចិ) ។ ឯ ទយា សព្ទនុះ តាមមតិ ស. សំដែងទុកមក មានន័យ ៥ យ៉ាង៖ ១/ ទាន "ឲ្យ" គឺឲ្យអភ័យដល់សត្វទ. ។ ២/ គតិ "ទៅ" គឺទៅស្មើគ្នាក្នុងមនុស្សល្អនិងមនុស្សអាក្រក់ ។ ៣/ ហឹសា "បៀតបៀន" គឺដាស់តឿនអ្នកមានករុណាចិត្តឲ្យជួយដោះទុក្ខរបស់អ្នកដទៃ ។ ៤/ អាទាន "កាន់យក" គឺលះបង់សុខផ្ទាល់ខ្លួនហើយទទួលយកសេចក្ដីលំបាកហត់នឿយវិញ ។ ៥/ រក្ខ "រក្សា" គឺរក្សាសត្វទ. ។