ទុដ្ឋុល្ល

ចូឡធាតុបច្ចយជោតិកា

ទុដ្ឋុំ កុច្ឆិតភាវំ ឧលតិ គច្ឆតីតិ ទុដ្ឋុល្លំ, ទុដ្ឋុបុព្វ - ឧល គតិម្ហិ, លោ. ទុដ្ឋុ និស្សិតំ, ទុដ្ឋុ ឋានំ វា ទុដ្ឋុល្លំ, តន្និស្សិតត្ថេ លោ, លស្ស ទ្វិភាវោ, មោគ្គល្លានេ បន លោ្ល. ឯវំ វេទល្លំ. ឋាតិ បវត្តតិ អសុន្ទរភាវេនាតិ ទុដ្ឋុ, ទុបុព្វ - ឋា គតិនិវត្តិយំ, ឧ. ទុដ្ឋុំ និស្សិតំ ទុដ្ឋុល្លំ. អដ្ឋកថាយំ បន ទុដ្ឋុល្លន្តិ ទុដ្ឋុ ច កិលេសទូសិតំ, ថូលញ្ច អសុខុមំ អនិបុណន្តិ វុត្តំ ហោតីតិ វុត្តំ, តេន ទុដ្ឋុ ច តំ ថូលញ្ចាតិ ទុដ្ឋុល្លន្តិ កម្មធារយំ ទស្សេតិ, ទុដ្ឋុអត្ថវាចកទុសទ្ទតោ បរត្តា ថស្ស ដ្ឋវិបរិយយោ, លសំយោគបរត្តា រស្សត្តំ.