ទេវ
សទ្ទានុក្រមបាលីខ្មែរ
១- អ្នកលេងដោយអារម្មណ៍មានកាមគុណជាដើម (ទេវតា, ភ្លៀង); វិ. ទិព្វន្តិ កាមគុណាទីហិ កីឡន្តីតិ>ទេវតា ។ ២-សេចក្ដីស្លាប់ (ដូច មច្ចុ) ។ ៣-អាកាស (ដូច នភ) ។
បទានុក្រមធម្មបទ
អ្នកលេងដោយអារម្មណ៍ មានកាមគុណជាដើម (ទេវតា, ភ្លៀង); វិ. ទិព្វន្តិ កាមគុណាទីហិ កីឡន្តីតិ>ទេវា ។
ចូឡធាតុបច្ចយជោតិកា
បញ្ចកាមគុណាទីហិ ទិព្វន្តិ កីឡន្តីតិ ទេវា, ទិវុ កីឡាយំ, ណោ. យុត្តាយុត្តំ ទិព្វន្តិ វោហរន្តីតិ ទេវា, ទិវុ វិយត្តិយំ វាចាយំ, ជុតិយា ទិព្វន្តិ ជោតេន្តីតិ ទេវា, ទិវុ ជុតិយំ, ណោ. បដិបក្ខេ ជេតុំ ទិព្វន្តិ ឥច្ឆន្តីតិ ទេវា, ទិវុ ឥច្ឆាយំ វិជិគិសាយំ វា, ណោ. យថិច្ឆិតដ្ឋានំ អប្បដិហតគមនេន ទិព្វន្តិ គច្ឆន្តីតិ ទេវា, ទិវុ គតិម្ហិ, អ. អានុភាវសម្បត្តិយា តំ តំ កិច្ចំ និប្ផាទេតុំ ទិព្វន្តិ សក្កោន្តីតិ ទេវា, ទិវុ សត្តិយំ, ណបច្ចយោ. ទិព្វន្តិ ឯត្ថាតិ ទេវោ នភំ, ទិវុ កីឡាយំ, ណោ. ទិព្វន្តិ កីឡន្តិ វុទ្ធិំ គច្ឆន្តិ លោកា អនេនាតិ ទេវោ មេឃោ, ទិវុ កីឡាយំ, ណោ. ទេវេតិ កូជតីតិ ទេវោ, ទិវ កូជេ, ទិវុ បរិកូជនេ វា, ណោ. ទេវតិ កីឡតីតិ ទេវោ, ទេវ កីឡនេ, ណោ. សទ្ទនីតិធាតុ- មាលាយំ បនាយំ និព្វចនេ វិសេសោ ឦសកំ ភវតិ, ទិព្វន្តិ កាមគុណឈានាភិញ្ញាចិត្តិស្សរិយាទីហិ កីឡន្តិ, តេសុ វា វិហរន្តីតិ ទេវា. ទិព្វន្តិ យថាភិលាសិតំ វិសយំ អប្បដិឃាតេន គច្ឆន្តីតិ ទេវា. ទិព្វន្តិ យថិច្ឆិតនិប្ផាទនេ សក្កោន្តីតិ ទេវា. អថ វា តំតំព្យសននិត្ថរណត្ថិកេហិ សរណំ បរាយណន្តិ ទេវនីយា អភិត្ថវនីយាតិ ទេវា. សោភាវិសេសយោគេន កមនីយាតិ វា ទេវា. ទិព្វន្តិ កីឡន្តិ អត្តនោ វិសយេ ឥស្សរិយំ ករោន្តីតិ ទេវា រាជានោ. ទិព្វន្តិ កីឡន្តិ បញ្ចហិ កាមគុណេហិ, បដិបក្ខេ វា វិជេតុំ ឥច្ឆន្តិ [ទិវុ វិជិគិសាយំ, ណោ], វោហរន្តិ ច លោកស្ស យុត្តាយុត្តំ, ជោតន្តិ បរមាយ សរីរជុតិយា [ទិវុ ជុតិយំ, ណោ], ថោមិយន្តិ តព្ភាវត្ថិកេហិ កាមិយន្តិ ទដ្ឋុំ សោតុញ្ច សោភា- វិសេសយោគេន [ទិវុ កន្តិយំ, ណោ], គច្ឆន្តិ ច យថិច្ឆិតដ្ឋានំ ឧប្បដិហតគមនេន [ទិវុ គតិម្ហិ, ណោ], សក្កោន្តិ ច អានុភាវ- សម្បត្តិយា តំតំកិច្ចំ និប្ផាទេតុន្តិ ទេវា ចាតុមហារាជិកាទយោ [ទិវុ សត្តិយំ, ណោ], កីឡន្តិ បរមាយ ឈានកីឡាយ, វិជេតុំ ឥច្ឆន្តិ បដិបក្ខំ, បរមសុខុមញាណវិសេសវិសយំ អត្ថញ្ច វោហរន្តិ, ជោតន្តិ សព្វកិលេសទោសកលុសាភាវា បរមវិសុទ្ធាយ ញាណជុតិយា, ថោមិយន្តិ ច វិញ្ញាតសភាវេហិ បរមនិម្មលគុណវិសេសយោគតោ, កាមិយន្តិ ច អនុត្តរបុញ្ញក្ខេត្តតាយ ទដ្ឋុំ សោតុំ បូជិតុញ្ច, គច្ឆន្តិ ច អមតមហានិព្វានំ អបច្ចាគមនីយាយ គតិយា, សក្កោន្តិ ច ចិត្តាចារំ ញត្វា តេ តេ សត្តេ ហិតេ និយោជេតុំ អមតមហា- និព្វានសុខេ ច បតិដ្ឋាបេតុន្តិ ទេវា វិសុទ្ធិទេវា. ទេវសទ្ទោ វិទ្ធេ វិគតវលាហកេ ទេវេតិអាទីសុ អជដាកាសេ អាគតោ. ទេវោ ច ថោកំ ថោកំ ផុសាយតីតិអាទីសុ មេឃេ. អយញ្ហិ ទេវ កុមារោតិអាទីសុ ខត្តិយេ. អហំ ទេវ សកលជម្ពុទីបេ អញ្ញស្ស រញ្ញោ សន្តិកេ កិញ្ចិ ភយំ ន បស្សាមីតិអាទីសុ ឥស្សរបុគ្គលេ. បញ្ចហិ កាមគុណេហិ សមប្បិតោ សមង្គីភូតោ បរិចារេតិ ទេវោ មញ្ញេតិអាទីសុ ឧបបត្តទេវេ. ទេវេតិទេវំ នរទម្មសារថិន្តិអាទីសុ វិសុទ្ធិទេវេ អាគតោ.