ទោលា

ចូឡធាតុបច្ចយជោតិកា

ទុនោតិ ទូយតិ វា បរិតាបេតីតិ ទោលា កីឡនយានកំ, ទុ ទូ វា បរិតាបនេ មាទិតោ លោតិ មោគ្គល្លានសុត្តេន លោ. អន្តមសោ ទ្វីហិ ជនេហិ លាតិ គណ្ហាតីតិ ទោលា, ទ្វិសទ្ទូបបទ - លា គហណេ, អ, ឥត្ថិយំ អា. ទោលិយតិ ឧក្ខិបិយតិ យត្ថ និបន្នោ ទារកោ យថានិបន្នកោវាតិ ទោលា, ទុល ឧក្ខេបេ, អ, ថិយំ អា. គមនា គមនេ អលន្តិ ទោលា, ទុ គតិម្ហិ, អលំបច្ចយោ, កត្តុសាធនោ. អន្តមសោ ទ្វីហិ ជនេហិ លាតព្វា គហេតព្វាតិ វា ទោលា, ទ្វិសទ្ទូបបទ - លា អាទានេ, ណបច្ចយោ.