ធញ្ញ
សទ្ទានុក្រមបាលីខ្មែរ
ស្រូវ, មានស្រូវសាឡីជាដើម (សាល្យាទក); គុ. អ្នកមានបុណ្យ (ដូច បុញ្ញវន្តុ) ។
ចូឡធាតុបច្ចយជោតិកា
ធនិយតិ ឥច្ឆិយតីតិ ធញ្ញំ, ធន ឥច្ឆាយំ, យោ, ន្យស្ស ញោ. ធនាយ សំវត្តតីតិ ធញ្ញំ, តស្ស សំវត្តតីតិ ជញ្ញំ, ជាតាទីនមិមិយា ចាតិ ចសទ្ទេន យោ. ឧត្តមរតនំ ឥទន្តិ ធនាយិតព្វំ សទ្ទាយិតព្វន្តិ ធញ្ញំ វីហិ, ធន សទ្ទេ, យោ. សទ្ទនីតិធាតុមាលាយំ បន វិសេសោ ឦសកំ ភវតិ, ឥទមេត្ថ និព្វចនំ ធញ្ញំ សិរិបុញ្ញបញ្ញាសម្បទា ឯតេសំ អត្ថីតិ ធញ្ញាតិ. ធញ្ញំ មង្គលសម្មតន្តិ ឯត្ថ តុ ឧត្តមរតនំ ឥទន្តិ ធនាយិតព្វំ សទ្ធាយិតព្វន្តិ ធញ្ញំ, សិរិសម្បន្នំ បុញ្ញសម្បន្នំ បញ្ញា- សម្បន្នន្តិបិ អត្ថោ យុជ្ជតិ. ធញ្ញំ ធនំ រជតំ ជាតរូបន្តិ ច អាទីសុ នត្ថិ ធញ្ញសមំ ធនន្តិ វចនតោ ធនាយិតព្វន្តិ ធញ្ញំ, កិំ តំ? បុព្វណ្ណំ. អបិច ឱសធិវិសេសោបិ ធញ្ញន្តិ វុច្ចតិ. ធនសទ្ទស្ស ច បន សមាសវសេន អធនោ, និទ្ធនោតិ ច នត្ថិ ធនំ ឯតស្សាតិ អត្ថេន ទលិទ្ទបុគ្គលោ វុច្ចតិ. និធនំ យាតីតិ ឯត្ថ តុ កម្បនត្ថវាចកស្ស ធូធាតុស្ស វសេន វិនាសោ និធនន្តិ វុច្ចតីតិ. ធននំ ធញ្ញំ, ធន ធញ្ញេ, វជាទីហិ បព្វជាទយោ និប្បច្ចន្តេតិ យោ, ន្យស្ស ញោ, ទ្វិត្តំ. ធញ្ញំ ឯតេសំ អត្ថីតិ ធញ្ញា, សទ្ទាទិតោ ណ. សទ្ទនីតិធាតុមាលាយំ តុ វិសេសោ ថោកំ អត្ថិ, ធាតុអត្ថោ ហិ យេភុយ្យេន ភាវវសេន កថិយតិ ឋិបេត្វា វក្ក រុក្ខតចេតិ ឯវមាទិប្បភេទំ, យថា ភាវត្ថេ វត្តមានេន យបច្ចយេន សទ្ធិំ នការស្ស យ្យការំ កត្វា ថេននំ ថេយ្យន្តិ វុច្ចតិ, ឯវមិធ យបច្ចយេន សទ្ធិំ នការស្ស ញ្ញការំ កត្វា ធននំ ធញ្ញន្តិ វុច្ចតិ. ធនិនោ វា ភាវោ ធញ្ញំ, តស្មិំ ធញ្ញេ, ធនតិ, ធនិតំ, ធញ្ញំ, យស្មា បន ធញ្ញសទ្ទេន សិរិបុញ្ញបញ្ញាសម្បទា គហិតា, តស្មា ធញ្ញបុញ្ញលក្ខណសម្បន្នំ បុត្តំ វិជាយីតិអាទីសុ ធញ្ញសទ្ទេន សិរិបញ្ញា វ គហេតព្វា បុញ្ញស្ស វិសុំ វចនតោ. នទតោ បរិសាយន្តេ, វាទិតព្វបហារិនោ យេ តេ ទក្ខន្តិ វទនំ, ធញ្ញា តេ នរបុង្គវ. ទីឃង្គុលី តម្ពនខេ, សុភេ អាយតបណ្ហិកេ យេ បាទេ បណមិស្សន្តិ, តេបិ ធញ្ញា គុណន្ធរ, មធុរានិ បហដ្ឋានិ, ទោសគ្ឃានិ ហិតានិ ច យេតេវាក្យានិ សោស្សន្តិ, តេបិ ធញ្ញានរុត្តមាតិ ឯវមាទីសុ បន ធញ្ញសទ្ទេន បុញ្ញសម្បទា គហេតព្វា, បុញ្ញសម្បទាយ វា សទ្ធិំ សិរិបញ្ញាសម្បទាបិ គហេតព្វា. ធនស្ស ភាវោ ធញ្ញំ, ធន + ណ្យោ. ធនតិ សម្បជ្ជតីតិ ធញ្ញោ, ធន សម្បជ្ជនេ, យោ, ន្យស្ស ញោ. ធនតិ ជីវិតំ វឌ្ឍេតីតិ ធញ្ញោ បញ្ញវា, ធន វឌ្ឍនេ, យោ. ធិយតេ ជីវតេ អនេនាតិ ធានំ, តស្ស ភាវោ ធញ្ញំ, ធា ធារណេ, យុ, ណ្យោ, អាទិរស្សោ, ញាទេសោ, ទ្វិត្តំ. ធិយតេ អច្ឆាទ្យតេ អនេនាតិ ធានំ, តស្ស ភាវោ ធញ្ញំ, ធា អច្ឆាទនេ, យុ, ណ្យោ.