នជ្ជ

ចូឡធាតុបច្ចយជោតិកា

យេភុយ្យេន នទតីតិ នជ្ជោ, នទ សទ្ទេ, អ, ថិយំ ឦ, សិស្ស ឱត្តំ. តថា ហិ វុត្តំ និរុត្តិទីបនិយំ នេមិរាជជាតកេ [និមិជាតកេ] បន នជ្ជោ ចានុបរិយាតីតិ បាឡិ, តត្ថ មហាវុត្តិនា សិស្ស ឱត្តន្តិ, តំ បន តទដ្ឋកថាយ ន សមេតិ, តត្ថ ហិ វុត្តំ នជ្ជោតិ វចនវិបល្លាសោ, ឯកា នទី តំ វិមានំ បរិក្ខិបិត្វា គតាតិ អត្ថោតិ. អញ្ញសទ្ទសត្ថេសុ យោវចនស្ស ឱត្តំ. សទ្ទនីតិយំ វុត្តំ យោហិ សហ ជ្ជោតិ នទីសទ្ទស្ស ទីការស្ស យោហិ សហ ជ្ជោ, យថា នជ្ជោ សន្ទន្តីតិ. នជ្ជាយោតិបិ បាឋោ, នជ្ជាយោ សន្ទន្តិ, នជ្ជាយោ សុបតិត្ថាយោតិ បាឡិ, នជ្ជា យោស្វាម. កច្ចាយនេ វុត្តំ អានត្តគ្គហណេន នទីឥច្ចេតស្ស ទីសទ្ទស្ស ជ្ជោ-ជ្ជា- អាទេសា ហោន្តិ សហ វិភត្តិយា យោ-នា-សឥច្ចេតេសូតិ.