នាថ
សទ្ទានុក្រមបាលីខ្មែរ
ជាទីពឹង, ជាទីពំនាក់ ។ ម្យ៉ាងទៀតអ្នកប្រាថ្នានូវសុខនិងប្រយោជន៍ដល់វេនេយ្យសត្វ; វិ. នាថតិ វេនេយ្យានំ ហិតសុខំ អាសឹស តីតិ>នាថោ ។ អ្នកគ្របសង្កត់នូវសត្វទាំងពួង; វិ. នាថតិ សព្វសត្តេ ឦសតិ អភិភវតីតិ>នាថោ ។ បុំ. ព្រះនាមព្រះពុទ្ធជាម្ចាស់ ។
បទានុក្រមធម្មបទ
ជាទីពឹង, ជាទីពំនាក់ ។ ម្យ៉ាងទៀត អ្នកប្រាថ្នានូវប្រយោជន៍និងសុខដល់វេនេយ្យសត្វ; វិ. នាថតិ វេនេយ្យានំ ហិតសុខំ អាសីសតីតិ>នាថោ ។ អ្នកគ្របសង្កត់នូវសត្វទាំងពួង; វិ. នាថតិ សព្វសត្តេ ឦសតិ អភិភវតីតិ>នាថោ ។
ចូឡធាតុបច្ចយជោតិកា
វេនេយ្យានំ ហិតសុខំ នាថតិ អាសីសតិ បត្ថេតិ នាថោ, នាថ អាសីសនេ, អ. សាធុ ភិក្ខវេ ភិក្ខុ កាលេន កាលំ អត្តសម្បត្តិំ បច្ចវេក្ខេយ្យាតិអាទិនា តំ តំ ហិតបដិបត្តិំ នាថតិ យាចតីតិ នាថោ, នាថ យាចនេ, អ. សព្វសត្តេ នាថតិ អភិភវតីតិ នាថោ, នាថ ឥស្សរិយេ, អ. សត្តានំ ហិតសុខំ នាថតិ និយោជេតីតិ នាថោ, នាថ និយោជនេ, អ. កិលេសេ នាថតិ ឧបតាបេតីតិ នាថោ, នាថ ឧបតាបេ, អបច្ចយោ. បរសន្តានគតំ វា កិលេសព្យសនំ ឧបតាបេតីតិ នាថោ. បរមេន ចិត្តិស្សរិយេន សមន្នាគតោ សព្វសត្តេ វា គុណេហិ ឦសតិ អភិភវតីតិ នាថោ. សមន្តបាសាទិកាយ នាម វិនយដ្ឋកថាយ អត្ថយោជនាយំ យោ ភគវា វេនេយ្យានំ ហិតសុខំ នាថតិ អាសិំសតិ ឥតិ តស្មា សោ ភគវា នាថោ នាម, នាថ បដ្ឋនាយំ. អថ វា នាថតិ វេនេយ្យគតេ កិលេសេ ឧបតាបេតីតិ យោ ភគវា វេនេយ្យគតេ វេនេយ្យសន្តានេ បវត្តេ កិលេសេ នាថតិ ឧបតាបេតិ ឥតិ តស្មា សោ ភគវា នាថោ, នាថ បតាបនេ. នាថតិ វា សត្តានំ តំ តំ ហិតប្បដិបត្តិំ យាបតីតិ នាថោ វា យោ ភគវា សត្តានំ តំ តំ ហិតប្បដិបត្តិំ នាថតិ យាបតិ ឥតិ តស្មា សោ ភគវា នាថោ, នាថ យាបនេ. នាថតិ វា សព្វសត្តេ ឦសតិ អភិភវតីតិ នាថោ វា យោ ភគវា សព្វសត្តេ នាថតិ ឦសតិ អភិភវតិ ឥតិ តស្មា សោ ភគវា នាថោ, នាថ អភិភវនេតិ វុត្តំ. សទ្ទសត្ថវិទូ បន តេសុ ចតូសុ អត្ថេសុ នាថ នាធ ឥតិ ធាតុទ្វយំ បឋិន្តិ, អត្តនោភាសត្តា បន តស្ស នាថតេ នាធតេតិ រូបានិ ភវន្តិ. ឯត្ថ សិយា យទិ យាចនត្ថេន នាថតីតិ នាថោ, ឯវំ សន្តេ យោ កោចិ យាចកោ ទលិទ្ទោ, សោ ឯវ នាថោ សិយា. យោ បន អយាចកោ សមិទ្ធោ, សោ ន នាថតិ ន យាចតីតិ អនាថោ សិយាតិ? ន, នាថសទ្ទោ ហិ យាចនត្ថាទីសុ បវត្តមានោ លោក- សង្កេតវសេន ឧត្តមបុរិសេសុ និរូឡ្ហោ, ភគវា ច ឧត្តមេសុ សាតិសយំ ឧត្តមោ, តេន តំ តំ ហិតបដិបត្តិំ យាចតីតិ នាថសទ្ទស្សត្ថោ វុត្តោ. អនាថសទ្ទោ បន ឥត្តរជនេសុ និរូឡ្ហោ, សោ ច ខោ ន នាថោតិ អនាថោ. នត្ថិ នាថោ ឯតស្សាតិ វា អនាថោតិ ទព្វបដិសេធវសេន, ន បន ន នាថតិ ន យាចតីតិ អនាថោតិ ធាតុអត្ថបដិសេធវសេន. យោ ហិ អញ្ញស្ស សរណំ គតិ បតិដ្ឋា ហោតិ, សោ នាថោ, យោ ច អញ្ញស្ស សរណំ គតិ បតិដ្ឋា ន ហោតិ, នាបិ អត្តនោ អញ្ញោ សរណំ គតិ បតិដ្ឋា ហោតិ, សោ អនាថោតិ វុច្ចតិ សង្កេតវសេន. តថា ហិ សង្កេតវចនំ សច្ចំ, លោកសម្មុតិការណន្តិ វុត្តំ. ឥមស្ស បនត្ថស្ស អាវិភាវត្ថំ ឥមស្មិំ ឋានេ លោកនាថោ តុវំ ឯកោ, សរណំ សព្វបាណិនន្តិ ច អនាថានំ ភវំ នាថោតិ ច ឯវាហំ ចិន្តយិត្វាន, នេកកោដិសតំ ធនំ នាថានាថានំ ទត្វាន, ហិមវន្តមុបាគមិន្តិ ច បាឡិយោ និទស្សនានិ ភវន្តិ. យស្មា បន សាសនេ ច លោកេ ច យាចកោ នាថោតិ ន វុច្ចតិ, អយាចកោ ច អនាថោតិ. លោកស្ស បន សរណំ នាថោតិ វុច្ចតិ. យស្ស សរណំ ន វិជ្ជតិ, សោ អនាថោតិ វុច្ចតិ, តថា សមិទ្ធោ នាថោតិ វុច្ចតិ, អសមិទ្ធោ អនាថោតិ. តស្មា បញ្ញវតា សព្វេសុ ឋានេសុ ធាតុអត្ថមត្តេន លោកសមញ្ញំ អនតិធាវិត្វា យថានុរូបំ អត្ថោ គហេតព្វោ. អយញ្ច នីតិ សាធុកំ មនសិកាតព្វា.