និ

សទ្ទានុក្រមបាលីខ្មែរ

ជាឧបសគ្គប្រព្រឹត្តទៅក្នុងអត្ថគឺ៖-និស្សេស មិនសល់ ឧ. និរវសេសំ ទេតិ ជនឲ្យនូវវត្ថុមិនមានសល់;-អភាវ មិនមាន ឧ. និម្មក្ខិកំ (សំបុកឃ្មុំ) គ្មានមេ;-សន្យាស ផ្ញើទុក, ដាក់ចុះ ឧ. និក្ខិត្តំ ដាក់ចុះហើយ;-ភូស ក្រៃលែង ឧ. និគមោ និគម, និគ្ឃោសោ ជាយតេ ពហុ សំឡេងក្រៃលែងច្រើនតែងកើត;-មោក្ខ ព្រះនិព្វាន ឧ. និព្វានំ;-រាសិគំនរ ពួក ឧ. និករោ;-គេហ ផ្ទះ ឧ. និលយោ, និវេសនំ, និកេតនំ;-អាទេស ការសំដែង ឧ. និទ្ទានំ;-ឧបមា ពាក្យប្រៀប ឧ. និទស្សនំ;-ហីន ថោកថយ ឧ. និហីយតិ បុរិសោ និហីនសេវី បុរសអ្នកសេពគប់នូវបុគ្គលថោកថយរមែងសាបសូន្យ;-បសាទ ថ្លា ឧ. និយ្យាសោ សភាវៈថ្លាគឺជ័រឈើ;-និគ្គត ចេញទៅហើយ ឧ. និក្កិលេសោ ជនមានកិលេសចេញហើយ និយ្យាតិ ជនចេញទៅ;-អច្ចយ កន្លង;-ទស្សន ការសំដែង ឧ. និទស្សេន្តោ និទ្ទិសតិ ជនកាលសំដែង, តែងសំដែង;-ឱសាន ទីបំផុត, ចប់ ឧ. និដ្ឋិតំ ចប់;-និក្ខន្ត ចេញហើយ ឧ. និព្វាណំ, និញ្វណោ ធម្មជាតមានតណ្ហាចេញហើយ, ជនមានតណ្ហាចេញហើយ;-អាធោ ភាគចំណែកខាងក្រោម ឧ. និវាសនំ សំពត់សម្រាប់ប្រើប្រាស់ខាងក្រោមគឺសំពត់សម្រាប់ស្លៀក;-អវធារណ ឧ. និច្ឆយោ ការចូលចិត្តមាំ, វិនិច្ឆយោ ការកាត់សេចក្ដីឲ្យជ្រះស្រឡះ;-សាមិប្បជិត ឧ. និស្សយោ សភាវជិតដិត, ពន្ធនការចង ឧ. និព្វន្ធោ ចងហើយ, ឆេក បុគ្គលឆ្លាត ឧ. និបុណោ;-អន្តោ ភាគចំណែកខាងក្នុង ឧ. និខាតោ ដាំហើយ, ជីកហើយ;-និសាមេតិ ជនរៀបចំ, ទុកដាក់, និសាមនំការរៀបចំ, ការទុកដាក់;-ឧបរតិ ការវៀរ, សេចក្ដីវិនាស ឧ. និរាសោ ជនមានសេចក្ដីប្រាថ្នាវិនាសហើយ, និប្បាបោ ជនមានបាបវិនាសហើយ;-បាតុ ភាវប្រាកដ ឧ. និម្មិតំ តាក់តែង;-វិយោគ ព្រាត់ប្រាស ឧ. និរាលយោ អ្នកមានអាល័យព្រាត់ប្រាសហើយ, និក្កិលេសោ ជនមានកិលេសព្រាត់ប្រាសហើយ;-និសេធ ការឃាត់, ហាម ឧ. និវារេតិ ជនឃាត់, និរាសោ អ្នកគ្មានសេចក្ដីប្រាថ្នា, និប្បាបោអ្នកគ្មានបាប; មួយទៀត និ ប្រព្រឹត្តទៅក្នុងអត្ថគឺ វិភជន ការចែក ឧ. និទ្ទេសោ ការចែក, សំដែងចេញ;-ឧបធារណ ការពិចារណា ឧ. និសាមនំ ការពិចារណា, ឱវាទ ការទូន្មាន ឧ. គច្ច បុត្ត និវាទកោ ម្នាលកូនអ្នកជាអ្នកទូន្មាន ចូរទៅចុះ; ម្យ៉ាងទៀត និ អក្ខរៈ បើរៀងខាងចុងនៃនាមសព្ទប្រែថាជាធំ, ជានាយក, ជាចំបង ឧ. សេនានី មហាមច្ចោ មហាមាត្យជានាយកនៃសេនា ឬ ជាសេនាបតី ។