និគ្គហីត

ចូឡធាតុបច្ចយជោតិកា

និស្សាយ គយ្ហតីតិ និគ្គហីតំ, និបុព្វ - គហ ឧបាទានេ, តោ, ឥអាគមោ, ទីឃោ. សទ្ទនីតិយម្បន តំ បន សាសនិកប្បយោគវសេន រស្សសរំ និស្សាយ គយ្ហតិ ឧច្ចារិយតីតិ និគ្គហីតន្តិ វុច្ចតិ. ករណានិ វា និគ្គហេត្វា អវិវដេន មុខេន សានុនាសិកំ កត្វា ឦរិតន្តិ និគ្គហីតំ. វុត្តម្បិ ចេតំ និគ្គហីតន្តិ យំ ករណានិ និគ្គហេត្វា អវិស្សជ្ជេត្វា អវិវដេន មុខេន សានុនាសិកំ កត្វា វត្តព្វន្តិ. ឯត្ថ ច និគ្គហីតន្តិ សាសនេ វោហារោ. សទ្ទសត្ថេ បន តំ អនុស្វរោតិ វទន្តីតិ វុត្តំ. និគ្គហិតន្តិបិ បាឋោ, ឥទំ ទីឃំ អកត្វា ឯវំ សិទ្ធំ, និគ្គហ + ឥត, ឥធាតុ អជ្ឈយនេ. ឥការន្តេ និគ្គហិតំ និច្ចំ ភវាទិចុរាទិកេតិ បយោគោ. តត្រ និគ្គហិតន្តិ មាគធិកា ភាសា, និគ្គហីតន្តិ បន បទំ សក្កដ- ភាសាតោ នយំ គហេត្វា វុត្តវចនំ.