នី
សទ្ទានុក្រមបាលីខ្មែរ
នយេ នេតិ នយតិ នេត្វា នីតោ នីតិ "នាំ, នាំទៅ, ដឹកនាំ, ណែនាំ" ភូ. ។ ធាតុនេះបើមានឧបសគ្គៈនាំមុខមានន័យផ្សេងៗគ្នាដូចនេះ៖ អានេតិ អានយតិ "នាំមក" ការិត. អានាបេតិ អានាបយតិ "ឲ្យនាំមក..." ។ វិនេតិ "ណែនាំ, ប្រៀនប្រដៅ, ហ្វឹកហ្វឺន, កំចាត់បង់, ទំលាយចោល" អា. វិនេយ្យ ហទយេ ទរំ "គប្បីកំចាត់បង់នូវសេក្រវល់ក្រវាយក្នុងចិត្ត"-ស. ។ នេតា នេត្តា នាយកោ គុ. ឬ បុំ. "អ្នកដឹកនាំ, អ្នកជាមេបា, ជានាយក" អា. នេត្តេ ឧជុគតេសតិ "កាលមេខ្លោងទៅត្រង់"-ស. ។ (នី+តុ, ណ្វុ) ។ នេយ្យោ វេនេយ្យោ គុ. "សត្វដែលគួរទូន្មានបាន..." (នី+ណ្យ) ។ វិនយោ បុំ. "វិន័យ, ច្បាប់, បទបញ្ជា, របប, របៀប, សីល" ដឹកនាំកាយវាចា ឬ កំចាត់បង់នូវទោសក្នុងកាយវាចា ។ នេត្តំ នបុំ. "ភ្នែក" ។ នេត្តជលំ នបុំ. "ទឹកភ្នែក" ។ នេត្តតារា ឥ. "កែវភ្នែក, ប្រស្រីភ្នែក" (សូចិ) ។ នេត្តិកោ បុំ. "អ្នកនាំ ឬ បង្ហូរទឹកតាមប្រឡាយ" (នី+តិ) ឬ នេត្តិ+ឥក (សូចិ) =កស្សកោ ។ អា. ឧទកំ ហិ នយន្តិ នេត្តិកា ។ នេត្តិ ឥ. "តណ្ហា" អា. ភវនេត្តិ សមូហតា "តណ្ហាអ្នកដឹកនាំសត្វទៅរកភពថ្មី គឺព្រះអរិយដកចេញហើយ" ។ នយោ បុំ. "ន័យ, ខសេចក្ដី, តួរសេចក្ដី, អង្គសេចក្ដី, សេចក្ដីណែនាំ, ពន្យល់" ។
សទ្ទានុក្រមបាលីខ្មែរ
បាបនេ នេតិ នយតិ នយនំ "នាំទៅ, ដល់, លុះ" ភូ. ។
សទ្ទានុក្រមបាលីខ្មែរ
ជាឧបសគ្គប្រព្រឹត្តទៅក្នុងអត្ថគឺនីហរណការនាំចេញ ឧ. នីយានិកំ សត្ថុសាសនំ សាសនានៃព្រះសាស្ដាជាធម្មជាតនាំចេញ,-អាវរណការឃាត់, រារាំង ឧ. នីវរណំ ។