នេក្ខម្ម
សទ្ទានុក្រមបាលីខ្មែរ
គុណជាតជាគ្រឿងចេញ (នេក្ខម្មៈ, ការចេញ, ការចេញបួស, វិមុត្តិ, អរហត្តផល), បឋមជ្ឈាន, វិបស្សនា, និស្សេសកុសល, ផ្នួស (ដូច បព្វជ្ជា); វិ. និក្ខមតិ ឯតេនាតិ>នេក្ខម្មំ ។ -សង្កប្បាទិ គុ. (សេចក្ដីត្រិះរិះ) មានសេចក្ដីត្រិះរិះក្នុងការចេញបួសជាដើម, (តម្រិះ) មានតម្រិះក្នុងនេក្ខម្មៈជាដើម ។ -សុខ នបុំ. សុខក្នុងនេក្ខម្មៈ, សុខប្រព្រឹត្តទៅក្នុងនេក្ខម្មៈ (ការចេញបួស) ។
បទានុក្រមធម្មបទ
គុណជាតជាគ្រឿងចេញ (នេក្ខម្មៈ, ការចេញ, ការចេញបួស, វិមុត្តិ, អរហត្តផល); វិ. និក្ខមតិ ឯតេនាតិ>នេក្ខម្មំ ។
ចូឡធាតុបច្ចយជោតិកា
លោភតោ សព្វាកុសលេហិ វា និក្ខន្តត្តា នេក្ខម្មំ, អលោភោ វិមុត្តិ ច, ឃរាវាសបលិពោធតោ និក្ខន្តត្តា នេក្ខម្មំ បព្វជ្ជា, និបុព្វ - កមុ បទវិក្ខេបេ, ណ្យោ.