នេត្ត

ចូឡធាតុបច្ចយជោតិកា

សត្តេ នេតិ បាបេតិ សត្តេ វា ឥច្ឆិតដ្ឋានំ នេន្តិ ឯតេនាតិ នេត្តំ នេត្រំ វា អក្ខិ, នី បាបុណនេ, តត្រណ្បច្ចយា. នយតិ បាបេតីតិ នេត្តំ នយនំ នេតា ច, នី បាបុណនេ, ក្តោ, មោគ្គល្លានេ បន នេត្តាទយោតិ សុត្តេន តក៑, ឯត្តំ តុក៑ ច និបាតនា. នេតីតិ នេតា នេត្តា គវជេដ្ឋកោ យូថបតិ នាយកោ, នី នយេ, តុ, ទ្វិត្តំ វា, ឥមស្ស កត្តុសទ្ទស្សេវ រូបនយោ. សមវិសមំ ទស្សេន្តំ អត្តភាវំ នេតីតិ នេត្តំ ចក្ខុ, នី នយេ, តោ.