បថវី

ចូឡធាតុបច្ចយជោតិកា

បថវតិ ឯត្ថាតិ បថវី, បបុព្វ - ថវ គតិយំ, ឦ. សហជាតរូបានិ បថន្តិ បតិដ្ឋហន្តិ ឯត្ថាតិ បថវី, បថ បតិដ្ឋាយំ. បថតិ គច្ឆតិ ឯត្ថាតិ បថវី, បថ គតិយំ, អវោ, ឦ. សព្វត្ថ បត្ថរតីតិ បថវី, បបុព្វ - ថរ បត្ថរនេ, រស្ស វោ, អ, ថិយំ ឦ. បុថតិ វិត្ថរតីតិ បថវី, បធវីតិបិ បាឋោ, បុថស្សុការោ ច ថស្ស ធត្តន្តិ សទ្ទនីតិសុត្តេន បថុស្ស អត្តំ ថស្ស ច ធត្តំ, បុថ វិត្ថារេ, ក្វិ, បុថស្ស បុថុអាទេសោ, ក្វិលោបោ, ឥត្ថិយំ ឦ, ឱ សរេ ចាតិ សុត្តេន ចសទ្ទេន អវាទេសោ, ឧស្ស.