បរម

ចូឡធាតុបច្ចយជោតិកា

បរំ បច្ចនីកភូតំ មារេតីតិ បរមំ, បរសទ្ទូបបទ - មរធាតុ, ក្វិ. បកដ្ឋភាវេ រមតីតិ បរមំ, បបុព្វ - រមុ រមណេ, អ. អត្តនោ ឧត្តមភាវំ បរតិ បាលេតីតិ បូរេតីតិ វា បរមំ, បរ បាលន- បូរណេសុ, មោ. ទានាទិបារមិយោ បរន្តិ បារយន្តិ បាលេន្តិ បូរេន្តិ ចាតិ បរមា, បរ បាលបូរេ, មោ. បរំ ឧក្កដ្ឋំ មាតីតិ បរមោ, បរសទ្ទូបបទ - មាធាតុ, កោ. បរំ សេដ្ឋំ និព្វានំ មយតិ គច្ឆតីតិ បរមំ, បរសទ្ទូបបទ - មយ គតិម្ហិ, ក្វិ. កិលេសមលតោ បរំ អធិកំ មជតិ សុជ្ឈតីតិ បរមា, បរសទ្ទូបបទ - មជ សុទ្ធិយំ, ក្វិ, ថិយំ អា. បរេ បច្ចនីកកិលេសេ មារេន្តីតិ បរមា (បរមានិ), ធាត្វត្ថោយំ វិគ្គហោ បរសទ្ទូបបទ - មា វិទ្ធំសនេ, អ. បរំ អត្តនិ គុណវិសេសេន មវន្តិ ពទ្ធន្តីតិ បរមា (បរមានិ), មវ ពន្ធនេ, ក្វិ. បរំ សីលាទិគុណំ អតិវិយ មិនោតីតិ បរមា, បរសទ្ទូបបទ - មិ បក្ខិបនេ, អ. បរំ លោកំ មុនាតិ ឆិន្ទតីតិ បរមា, បរសទ្ទូបបទ - មុ ឆិន្ទនេ, អ. ថិយំ អា.