ភគវា
សទ្ទានុក្រមបាលីខ្មែរ
(បុំ. ឬ គុ.) ព្រះមានព្រះភាគ, ព្រះមានជោគ, ព្រះមានបុណ្យ (ភគ<ភជ៑+អ=សេព, សេពគប់ វិ. ភជិតព្វាតិ>ភគា; យា លោកិយលោកុត្តរសម្បត្តិយោ បុគ្គលេហិ ភជិតព្វា សេវិតព្វា ឥតិ តស្មា តា សម្បត្តិយោ>ភគា ។ ភគា ឯតស្ស អត្ថីតិ>ភគវា; ភគា ឯតស្ស ពុទ្ធស្ស អត្ថិ ឥតិ តស្មា សោពុទ្ធោ>ភគវា) ។
បទានុក្រមធម្មបទ
ព្រះមានព្រះភាគ, ព្រះមានជោគ, ព្រះមានបុណ្យ; ភគ<ភជ+អ=សេព, សេពគប់; វិ. ភជិតព្វាតិ>ភគា ។ យា លោកិយលោកុត្តរសម្បត្តិយោ បុគ្គលេហិ ភជិតព្វា សេវិតព្វា ឥតិ តស្មា តា សម្បត្តិយោ>ភគា ។ ភគា ឯតស្ស អត្ថីតិ>ភតវា ។ ភគា ឯតស្ស ពុទ្ធស្ស អត្ថិ ឥតិ តស្មា សោ ពុទ្ធោ>ភគវា ។
ចូឡធាតុបច្ចយជោតិកា
បុញ្ញញាណវេសារជ្ជាទយោ ភគំ នាម, តំយោគា ភគវា, វន្តុបច្ចយោ. ភជិតព្វា សេវិតព្វាតិ ភគា, ភជ សេវាយំ, អ. ភគា ឯតស្ស អត្ថីតិ ភគវា, វន្តុ. ភគ្គរាគោ ភគ្គទោសោ ភគ្គមោហោ អនាសវោតិ វុត្តត្តា រាគាទយោ ភញ្ជិតព្វោតិ ភគោ, ភន្ជ អវមទ្ទនេ, តោ, តស្ស ភន្ជតោ គ្គោ ចាតិមិនា ធាត្វន្តេន ជការេន សហ គ្គាទេសំ កត្វា បរនយនំ កត្វា តេសុ វុទ្ធីត្យាទិនា អន្តិមគការលោបញ្ច កត្វា ស្យុប្បត្យាទិម្ហិ កតេ ភគោតិ រូបំ សិជ្ឈតិ, ភគសំខាតោ អវមទ្ទនោ ភវេ អស្ស អត្ថីតិ ភគវា, វន្តុ. ភគសំខាតា លោកិយលោកុត្តរសម្បត្តិយោ វនិ ភជិ សេវីតិ ភគវា, ភគសទ្ទូបបទ - វន សម្ភត្តិយំ, ក្វិ. សោមនស្ស- កុមារត្តភាវាទីសុ ចរិមត្តភាវេ ច ភគសំខាតំ សិរិំ ឥស្សរិយំ យសំ ច វមិ ឧគ្គិរិ ខេឡបិណ្ឌំ វិយ អនបេក្ខោ ឆឌ្ឌយីតិ ភគវា. សព្វសម្បត្តិយោ ភគេ វមិ ឧគ្គរីតិ ភគវា. ខន្ធាយតនធាតាទិភេទេ ធម្មកោដ្ឋាសេ ច សព្វំ បបញ្ចំ សព្វំ យោគំ សព្វំ គន្ធំ សព្វំ សំយោជនំ សមុច្ឆិន្ទិត្វា អមតធាតុំ សមធិគច្ឆន្តោ វមិ ឧគ្គិរិ អនបេក្ខោ ឆឌ្ឌយំ ន បច្ចាគមីតិ ភគវា. អថ វា, សព្វេបិ កុសលាកុសលេ សាវជ្ជានវជ្ជេ ហីនប្បណីតេ កណ្ហសុក្កសប្បដិភាគេ ធម្មេ អរិយមគ្គញ្ញាណមុខេន វមិ ឧគ្គិរិ អនបេក្ខោ បរិច្ចជិ បជហីតិ ភគវា, ភគសទ្ទូបបទ - វមុ ឧគ្គិរណេ, ក្វិ. វិសុទ្ធិមគ្គេ យស្មា បន តីសុ ភវេសុ តណ្ហាសំខាតំ គមនមនេន វន្តំ, តស្មា ភវេសុ វន្តគមនោតិ វត្តព្វេ ភវសទ្ទតោ ភការំ គមនសទ្ទតោ គការំ វន្តសទ្ទតោ វការញ្ច ទីឃំ កត្វា អាទាយ ភគវាតិ វុច្ចតិ, យថា ច លោកេ មេហនស្ស ខស្ស មាលាតិ អត្តព្វេ មេខលាតិ វទតា និរុត្តិនយេន សទ្ទសិទ្ធិ ទស្សិតាតិ វុត្តំ. សមន្តបាសាទិកាយំ នាម វិនយដ្ឋកថាយំ វណ្ណាគមោ វណ្ណវិបរិយយោតិ ឯតំ និរុត្តិលក្ខណំ គហេត្វា សទ្ទនយេន វា បិសោទរាទិបក្ខេបលក្ខណំ គហេត្វា យស្មា លោកិយលោកុត្តរសុខាភិនិព្វត្តកំ ទានសីលាទិបារប្បត្តំ ភាគ្យមស្ស អត្ថិ, តស្មា ភាគ្យវាតិ វត្តព្វេ ភគវាតិ វុច្ចតីតិ ញាតព្វន្តិ អត្ថវិគ្គហំ ទស្សេតិ. ភវេសុ គមនំ វន្តោតិ ភគវា, ពហ្វក្ខរេសុ សញ្ញិច្ឆាយមិដ្ឋគ្គាហោតិ សទ្ទនីតិសុត្តេន ភការំ គការំ វការំ គហណេន រូបសិទ្ធិ វេទិតព្វា.