ភវាភវ

ចូឡធាតុបច្ចយជោតិកា

ភវន្តិ សត្តា ឯត្ថាតិ ភវោ តស្មា ភវា, ភវាតិ ឯត្ថ ភវសទ្ទតោ ស្មាវិភត្តិំ កត្វា សមាស្មិំនំ វាតិ សុត្តេន ស្មាសស្ស អាអាទេសំ កត្វា រូបសិទ្ធិំ វេទិតព្វា. អថ វា មហន្តោ ភវោ អភវោ, ភវោ ច អភវោ ច ភវាភវោ. អថវា ភវនំ វឌ្ឍនំ ភវោ វុឌ្ឍិ វុឌ្ឍត្ថោ ភវសទ្ទោ ធម្មកាមោ ភវំ ហោតីតិអាទីសុ វិយ. ន ភវោ អភវោ ហានិ, ភវោ ច អភវោ ច ភវាភវោ. អថវា សស្សតោ លោកោ ភវតីតិ អាការេន បវត្តា សស្សតទិដ្ឋិ ភវោ នាម លោកោ ឧច្ឆិជ្ជតីតិ អាការេន បវត្តា ឧច្ឆេទទិដ្ឋិ អភវោ នាម, ភវទិដ្ឋិ ច វិភវទិដ្ឋិ ចាតិ សុត្តន្តិកមាតិកាយំ វិយ.