មច្ឆរ

ចូឡធាតុបច្ចយជោតិកា

មសុយតេតិ មច្ឆរតីតិ មច្ឆរោ, មសុ មច្ឆរេ, ឆរោ ក្វិ វា, ច្ឆាទេសោ. តណ្ហាយ មសតីតិ មច្ឆរោ មច្ឆរំ សកសម្បត្តិនិគុហនំ, មស អាមសនេ, មសា ឆេរោ ចាតិ ឆរោ, ច្ឆរោ វា, សស្ស ចោ. បទរូបសិទ្ធិយំ មសុឥច្ចេតស្ស ធាតុស្ស សុស្ស ច្ឆរច្ឆេរឥច្ចេតេ អាទេសា ហោន្តិ, មសុ មច្ឆេរេ, ក្វិបច្ចយោ, មច្ឆរោ, មច្ឆេរោតិ វុត្តំ. អភិធានប្បទីបិកាដីកាយំ មសុឥច្ចេតស្ស បាដិបទិកស្ស សុស្ស ណម្ហិ ច្ឆេរច្ឆរាតិ វុត្តំ.