មេធា
សទ្ទានុក្រមបាលីខ្មែរ
ប្រាជ្ញា (ដូច ពុទ្ធិ) ។
ចូឡធាតុបច្ចយជោតិកា
មិធតិ ហិំសតិ ឯតេនាតិ មេធា, មិធ ហិំសាយំ, អ. មិនាតិ ហិំសតីតិ មេធា, មិ ហិំសាយំ, ធោ. សុខុមម្បិ អត្ថំ ធម្មញ្ច មេតិ ធារេតិ អាទទាតីតិ មេធា, មេ អាទានេ, ធោ. សម្មោហំ មេធតិ ហិំសតីតិ មេធា, អសនិ វិយ សិលុច្ចយេ កិលេសេ មេធតិ ហិំសតីតិ មេធា, មេធតិ សិរិយា សីលាទីហិ ច សប្បុរិសធម្មេហិ សមាគច្ឆតិ ន ឯកីកា ហុត្វា តិដ្ឋតីតិ មេធា, មិធ ហិំសាយំ, អបច្ចយោ, ថិយំ អា. សុខុមម្បិ អត្ថំ ធម្មញ្ច ខិប្បំ មេតិ គណ្ហាតិ ធារេតិ ចាតិ មេធា, មេ អាទានេ, ធរ ធារណេ, មេធរុទ្ទានតោ អឥតិ សទ្ទនីតិសុត្តេន អ, ថិយំ អា, រលោបោ. សម្មោហំ មេធតិ ហិំសតិ វិនាសេតីតិ មេធា, មិធុ ហិំសាយំ, មិធុតោ ណឥតិ សទ្ទនីតិសុត្តេន មិធុតោ បរំ ណោ ហោតិ, ថិយំ អា. ធាត្វត្ថសង្គហេ បន មេធតិ សប្បរិសធម្មេហិ សង្គច្ឆតិ សហភវតិ សុខុមម្បិ អត្ថំ ធម្មញ្ច ខិប្បំ គណ្ហាតិ, មារេតិ ច កិលេសេ វា ហិំសតីតិ មេធាតិ វិគ្គហោ កតោ.