លជ្ជិតាយ

ចូឡធាតុបច្ចយជោតិកា

លជ្ជិតព្វន្តិ លជ្ជិតាយំ, លជ្ជ លជ្ជនេ, តាយោ, ឥការាគមោ. តត្រាយំ បាឡិ អលជ្ជិតាយេ លជ្ជន្តីតិ, សទ្ទនីតិយំ លជ្ជិតោ តព្វស្ស សវិភត្តិកស្ស តាយេតិ លក្ខណំ កត្វា គាថាយំ លជ្ជិសទ្ទតោ បរស្ស តព្វសទ្ទស្ស សវិភត្តិកស្ស តាយេឥច្ចាទេសោ ហោតីតិ អធិបាយមាហ, បុន ច អត្ថ ឦទសរូប, យថា ទក្ខិតាយេ, តទត្ថេ បន តុមត្ថេ ច ទក្ខិតាយតិ រូបំ, អាគតាម្ហ ឥមំ ធម្មសមយំ ទក្ខិតាយេ អបរាជិតសង្ឃន្តិ ហិ បាឡិ, ឥមស្មិំ បន បាឡិប្បទេសេ ទក្ខិតាយេតិ ឥទំ តទត្ថេ តុមត្ថេ វា ចតុត្ថិយា រូបំ, តថា ហិ ទក្ខិតាយេតិ ឥមស្ស ទស្សនត្ថាយាតិ វា បស្សិតុន្តិ វា អត្ថោ យោជេតព្វោ.