លិង្គ៑

សទ្ទានុក្រមបាលីខ្មែរ

ចិត្តករណេ លិង្គេតិ លិង្គយតិ លិង្គំ "ធ្វើឲ្យវិចិត្រ, ធ្វើឲ្យត្រកាល, ធ្វើឲ្យល្អ" ចុ. ។ លិង្គំ នបុំ. មានន័យ៦យ៉ាង៖ ១/ បែបភាព, ភេទ, លក្ខណៈនៃស្រ្តី, អង្គជាតិនៃស្រ្តី, បាលីថា តេន ខោ បន សមយេន អញ្ញតស្សេ ភិក្ខុនោ ឥត្ថីលិង្គំ បាតុភវតិ ។ ២/ បែបភាព, ភេទ, លក្ខណៈនៃបុរស, អង្គជាតិនៃបុរស បាលីថា បុរិសលិង្គនិមិត្តកុត្តាកប្បានំ ។ ៣/ សំឡេង, សព្ទ បាលីថា អយញ្ហិ រុក្ខោតិ វចនំ លិង្គំ ។ ៤/ និមិត្តរបស់សំឡេង បាលីថា សតលិង្គស្ស អត្ថស្ស ។ ៥/ គ្រឿងសំគាល់, គ្រឿងចំណាំ បាលីថា តេន លិង្គេន ជានាម ធុវំ ពុទ្ធោ ភវិស្សតិ ។ ៦/ អាការ, លំនាំ បាលីថា តេហិ លិង្គេហិ តេហិ និមិត្តេហិ... អាគន្តុភាវោ ជានិតព្វោ-ស. ។