សត្ថុ

ចូឡធាតុបច្ចយជោតិកា

ឱវាទោទកេន កិលេសេ វា សាសនោទកេន សិញ្ចតីតិ សត្ថា, សិញ្ច សេចនេ, រត្ថុ. កិលេសេ សជ្ជេតិ កិលេស វា សជតិ វិស្សជ្ជេតិ អនភាវំ គមេតីតិ សត្ថា, សជ អតិស្សជ្ជនេ, រត្ថុ. កិលេសេ ស្នេហំ សុសតីតិ សត្ថា, សុស សោសនេ, រត្ថុ. ធម្មកថំ សោតុំ ឥច្ឆតីតិ សត្ថា, សុ សវនេ, រត្ថុ, ឧស្សត្តំ. កិលេសេ សមេតិ ឧបសមេតីតិ សត្ថា, សមុ ឧបសមេ, រត្ថុ. ទិដ្ឋធម្មិក-សម្បរាយិកបរមត្ថេហិ យថារហំ អនុសាសតីតិ សត្ថា. សទេវកំ លោកំ ទិដ្ឋធម្មិកាទិវសេន សាសតីតិ សត្ថា, សាស អនុសិដ្ឋិម្ហិ, សាសាទីហិ រត្ថុឥតិ បទរូបសិទ្ធិសុត្តេន រត្ថុ. សត្តេ សាសតិ វិនយតីតិ សត្ថា, សាស អនុសិដ្ឋិម្ហិ, រត្ថុ. កិលេសេ វា កិលេសសត្តិសង្ខាតំ បំកំ វា សោសាបេតីតិ សត្ថា, សុស សោសនេ. កិលេសេ សសតិ ហិំសតីតិ សត្ថា, សសុ ហិំសាយំ, សស ហិំសាយំ, រុត្ថុ, ធម្មទេសនំ សវតិ សវតិ វា អាសវតិ ធម្មកថំ សោតុំ ឥច្ឆតីតិ សត្ថា, សុ សវនេ, រត្ថុ, ឧស្សត្តំ. សត្ថាតិ ឥទំ បឋមំ ឧការន្តតាបកតិយំ ឋិត្វា បច្ឆា អាការន្តភូតំ បុល្លិង្គំ, ឥមស្ស ច វចនត្ថោ នានប្បការោ ទដ្ឋព្វោ, សចេ វិត្ថារិយមានេ បបញ្ចោ សិយា, តស្មា វិត្ថារនយត្ថិកេហិ ធម្មបទមហាដីកាយំ ឱលោកេតព្វោ, ន ឯត្ថ បវក្ខាម.