សបទានចារិក

ចូឡធាតុបច្ចយជោតិកា

សហ អបទានេន ចរិតុំ សីលមស្សាតិ សបទានចារី, សបទានចារី ឯវ សបទានចារិកោ, សបទានសទ្ទូបបទ - ចរ ចរណេ, ណី, សកត្ថេ ឥកោ. ទានំ វុច្ចតិ អវខណ្ឌនំ, អបេតិ ទានតោតិ អបទានំ, អនវខណ្ឌនន្តិ អត្ថោ, សហ អបទានេន សបទានំ, សហស្ស សាទេសោ. អវខណ្ឌនរហិតំ អនុឃរន្តិ វុត្តំ ហោតិ, សបទានំ ចរិតុំ ឥទមស្ស សីលន្តិ សបទានចារី, តស្សីលត្ថេ ណី, សបទានាចារី ឯវ សបទានចារិកោ, សកត្ថេ កោ, ក្វចាទិមជ្ឈុត្តរានន្តិអាទិនា រស្សត្តំ.