សហគត
សទ្ទានុក្រមបាលីខ្មែរ
អារម្មណ៍, ជាប់ច្រឡំ (ដូច សំសដ្ឋ), ច្រឡូកច្រឡំ (ដូច វោកិណ្ណ), និស្ស័យ, តព្ភាវ (ទិដ្ឋិសហគត) ។
ចូឡធាតុបច្ចយជោតិកា
សហ គតំ សហគតំ, សហគតសទ្ទោ តព្ភាវេ វោកិណ្ណេ និស្សយេ អារម្មណេ សំសដ្ឋេតិ ឥមេសុ អត្ថេសុ ទិស្សតិ. តត្ថ យាយំ តណ្ហា បោនោ ភវិកា នន្ទិរាគសហគតាតិ តព្ភាវេ វេទិតព្វោ, នន្ទិរាគភូតាតិ អត្ថោ. យាយំ ភិក្ខវេ វីមំសា កោសជ្ជសហគតា កោសជ្ជសម្បយុត្តាតិ ឱកិណ្ណេ វេទិតព្វោ. អន្តរន្តរា ឧប្បជ្ជមានេន កោសជ្ជេន វោកិណ្ណាតិ អយមេត្ថ អត្ថោ. អដ្ឋិកសញ្ញាសហគតំ សតិសម្ពោជ្ឈង្គំ ភាវេតីតិ និស្សយេ វេទិតព្វោ. អដ្ឋិកសញ្ញំ និស្សាយ អដ្ឋិកសញ្ញំ ភាវេត្វា បដិលទ្ធន្តិ អត្ថោ. លាភី ហោតិ រូបសហគតានំ វា សមាបត្តីនំ អរូបសហគតានំ វាតិ អារម្មណេ. រូបារូបារម្មណានន្តិ អត្ថោ. ឥទំ សុខំ ឥមាយ បីតិយា សហគតំ សហជាតំ សម្បយុត្តន្តិ សំសដ្ឋេ ឥមិស្សា បីតិយា ศัសដ្ឋន្តិ អត្ថោ. អថវា ឥទំ ចិត្តំ សោមនស្សេន សហគតំ តេន សហគតំ ឯកុប្បាទាទិវសេន សំសដ្ឋំ, តេន សហ ឯកុប្បាទាទិភាវំ គតន្តិ អត្ថោ. ឯត្ថេតំ វុច្ចតិ តព្ភាវេ ចេវ វោកិណ្ណេ និស្សយារម្មណេសុ ច សំសដ្ឋេ ច សហគតសទ្ទោ ទិស្សតិ បញ្ចសូតិ.