សិរិមា

ចូឡធាតុបច្ចយជោតិកា

សិរិមាតិ បទំ សុតិសាមញ្ញវសេន លិង្គទ្វយេ វត្តនតោ ទ្វិធា ភិជ្ជតិ, សិរិមា បុរិសោតិ ហិ អត្ថេ អាការន្តំ បុល្លិង្គំ, សិរិមា នាម ទេវីតិ អត្ថេ អាការន្តំ ឥត្ថិលិង្គំ, ឧភយម្បេតំ ឧការន្ត- តាបកតិកា, អថ វា បន បច្ឆិមំ អាការន្តតាបកតិកំ, សិរី យស្ស អត្ថិ សោ សិរិមាតិ បុល្លិង្គវសេន និព្វចនំ, សិរី យស្សា អត្ថិ សា សិរិមាតិ ឥត្ថិលិង្គវសេន និព្វាចនំ, អត្រិមានិ កិញ្ចាបិ សតិវសេន និព្វចនត្ថវសេន ច អញ្ញមញ្ញំ សមានត្ថានិ, តថាបិ បុរិសបទត្ថឥត្ថិបទត្ថវាចកត្តា ភិន្នត្ថានីតិ វេទិតព្វានិ, ឯស នយោ អញ្ញេសុបិ ឦទិសេសុ ឋានេសុ នេតព្វោ.