ហិង្គុ

ចូឡធាតុបច្ចយជោតិកា

ហិនោតិ បវត្តតីតិ ហិង្គុ រាមឋិជំ, ហិ គតិយំ, គុ, និគ្គហីតាគមោ. ហិ រោគំ នាសេន្តោ គច្ឆតីតិ ហិង្គុ, ហិសទ្ទូបបទ - គមុ គតិម្ហិ, ឧបច្ចយោ, មលោបោ, និគ្គហីតាគមោ, ហិង្គុលោតិបិ បាឋោ. រោគំ ហិំសន្តំ គច្ឆតីតិ ហិង្គុ, ហិំសបុព្វ - គមុ គតិយំ, ក្វិ, សលោបាទិ. ឥមានិ តស្ស នាមានិ ហិង្គុ ហិង្គុជតុច្ចេវ, តថា ហិង្គុសិបាដិកា ហិង្គុជាតីតិ កថិតា, វិនយដ្ឋកថាយ ហិ. ហិណ្ឌិរ ហិណ្ឌីរ ហិណ្ឌតិ អាហិណ្ឌតិ ឥតោ ចិតោ ច គច្ឆតីតិ ហិណ្ឌិរោ ហិណ្ឌីរោ សមុទ្ទផេណោ, ហិឌិ គតិយំ, ឥរោ កិរោ វា, ទីឃោ.