អកាលិក
ធាតុបច្ចយទីបនី(ភូមា)
អ កាលោ ផលំ ទទាតីតិ អកាលិកោ၊ ណិកោ။
ចូឡធាតុបច្ចយជោតិកា
អកាលោ ផលំ ទទាតីតិ អកាលិកោ, ណិកោ. អត្តនោ ផលទានំ សន្ធាយ នាស្ស អាគមេតព្វោ កាលោ អត្ថីតិ អកាលោ, សោយេវ អកាលិកោ, ន បញ្ចាហសត្តាហាទិភេទំ កាលំ ខេបេត្វា ផលំ ទេតិ, អត្តនោ បន បវត្តិសមនន្តរមេវ ផលទោតិ វុត្តំ ហោតិ. អថ វា អត្តនោ ផលប្បទានេ វិប្បកដ្ឋោ ទូរោ កាលោ បត្តោ ឧបនីតោ អស្សាតិ កាលិកោ កាលន្តរផលទាយី. អត្តនោ ផលប្បទានេ បកដ្ឋោ កាលោ បត្តោ អស្សាតិ វា កាលិកោ, កោ សោ? លោកិយោ កុសលធម្មោ. អយំ បន សមនន្តរផលត្តា ន កាលិកោ អកាលិកោ, កោ សោ? មគ្គធម្មោ. វិសុទ្ធិមគ្គេ អត្តនោ ផលទានំ សន្ធាយ នាស្ស កាលោតិ អកាលោ, អកាលោយេវ អកាលិកោតិ វចនត្ថំ ទស្សេតិ.