អកាលុស្សិយ

ចូឡធាតុបច្ចយជោតិកា

កល្យតេ អនេនាតិ កលុសំ អនច្ឆោ, កល សង្ខ្យានេ, ឧសោ. កលុសស្ស ភាវោ កាលុសិយំ, ណិយោ, ទីឃោ ច. ន កាលុសិយំ អកាលុស្សិយំ, ទ្វិត្តំ. វិសុទ្ធិមគ្គដីកាយំ វុត្តំ អកាលុសភាវោ អកាលុស្សិយំ, អនាវិលភាវោតិ អត្ថោតិ. អនុទីបនីបាឋេ អកាលុស្សំ វុច្ចតិ អនាវិលំ ចិត្តំ. អកាលុស្សំ ឯវ អកាលុស្សិយន្តិ វុត្តំ, សកត្ថេ ណិយោ ណ្យោ វា, តេសុ វុទ្ធីតិអាទិនា យម្ហិ ឥការាគមោ. អកាលុស្សោតិបិ បាឋោ.