អក្ខរ
សទ្ទានុក្រមបាលីខ្មែរ
(បុំ., នបុំ.) វណ្ណៈមិនដល់នូវកិ.អស់ទៅ ឬ វណ្ណៈមិនរឹង (អក្សរដូច លិបិ, វណ្ណោ); វិ. ន ខីយន្តិ ខយំ ន បាបុណន្តីតិ>អក្ខរា, ន ខរន្តីតិ វា>អក្ខរា ។ -បិណ្ឌ បុំ. កិ.ប្រមូលនៃអក្សរ, ពួកនៃអក្សរ ។ -សមយ បុំ. លទ្ធិជាគ្រឿងប្រព្រឹត្តិទៅព្រមនៃអក្សរ, លទ្ធិនៃអក្សរ ។ -ព្រះនិព្វាន (ដូច មោក្ខ) ។
បទានុក្រមធម្មបទ
វណ្ណៈមិនដល់នូវកិ.អស់ទៅ ឬវណ្ណៈមិនរឹង (អក្សរ); វិ. ន ខីយន្តិ ខយំ ន បាបុណន្តីតិ>អក្ខរា, ន ខរន្តីតិ វា>អក្ខរា ។
ចូឡធាតុបច្ចយជោតិកា
នាមបញ្ញត្តិរូបត្តា នក្ខរន្តិ ខយវយំ ន គច្ឆន្តីតិ អក្ខរា. នាមគោត្តំ ន ជីរតីតិ ហិ វុត្តំ. អនន្តាធិប្បាយំ បិដកត្តយម្បិ វា បត្វា នក្ខរតិ ន ខីយតីតិ អក្ខរោ, នបុព្វ - ខរ ខយេ, អ. ធាត្វត្ថសង្គហេ នក្ខរន្តិ នក្ខីយន្តីតិ អក្ខរានីតិ វិគ្គហោ កតោ. នក្ខរីយន្តិ ន សិញ្ចីយន្តីតិ អក្ខរា, នបុព្វ - ខរា សិញ្ចនេ, អ. នក្ខរតិ ន នស្សតីតិ អក្ខរោ, នបុព្វ - ខរ នស្សនេ, អ. កក្ខឡភាវំ នក្ខរតិ ន គច្ឆតីតិ អក្ខរោ, នបុព្វ - ខរ គតិយំ, អ. នក្ខរតិ ន ចលតីតិ អក្ខរោ, នបុព្វ - ខរ ចលនេ, អ. ន ខីយតីតិ អក្ខរោ, នបុព្វ - ខី ខយេ, អរោ. ខរន្តិ វិនស្សន្តីតិ ខរា សង្ខតា, តេ យត្ថ ន សន្តិ តំ អក្ខរំ និព្វានំ, នបុព្វ - ខរ វិនាសេ, អ. ខរតិ សញ្ចរតីតិ ខរំ, ន ខរំ អក្ខរំ, នបុព្វ - ខរ សញ្ចរណេ, អ, នស្ស អត្តំ, ទ្វិត្តញ្ច. សទ្ទោយំ បុន្នបុំសកេសុ, លិបិមោក្ខេសុ ច បវត្តតិ, សទ្ទនីតិបទមាលាយំ វុត្តំ អក្ខរសទ្ទោ ច យោ បុព្វោ អក្ខរោ អក្ខរានីតិ ច ទស្សនតោ. អបិច អក្ខរសទ្ទោ និព្វានវចនោ នាមបណ្ណត្តិវចនោ ច សព្វទា នបុំសកលិង្គោ ភវតិ បទមច្ចុតមក្ខរំ, មហាជនសម្មតោតិ ខោ វាសេដ្ឋ មហាសម្មតោតេ្វវ បឋមំ អក្ខរំ និព្វត្តន្តិ ឯវមាទីសុ. អក្ខរាយ ទេសេតិ, អក្ខរក្ខរាយ អាបត្តិ បាចិត្តិយស្សាតិ ឯត្ថ បន បុល្លិង្គោតិបិ នបុំសកលិង្គោតិបិ វត្តព្វោ, ឥត្ថិលិង្គោតិ បន ន វត្តព្វោ. អយញ្ហិ អសក្កតា ចស្ម ធនញ្ចយាយ. វិរមថាយស្មន្តោ មម វចនាយាតិអាទីសុ ធនញ្ចយាយ, វចនាយាតិ សទ្ទា វិយ វិភត្តិវិបល្លាសេន វុត្តោ, ន លិង្គវិបល្លាសវសេនាតិ. សទ្ទនីតិសុត្តមាលាយញ្ច វុត្តំ ព្យញ្ជនឆក្កេ អក្ខរំ នាម រូបំ អនិច្ចន្តិអាទីសុ អត្ថជោតកបទន្តោគធោ រូឥច្ចាទិ ឯកេកោយេវ វណ្ណោ ចេវ យោ បុព្វេ ករណីយានិ, សោ ឥមំ វិជដយេ ជដន្តិអាទីសុ អត្ថជោតកោ យោការសោការាទិកោ ឯកោ វណ្ណោ ច សដ្ឋិវស្សសហស្សានីតិអាទិនា ឯកេកំ គាថំ វត្តុកាមេហិ វុត្តោ សឥច្ចាទិវណ្ណោ ច អក្ខរន្តិ គហេតព្វោ. អក្ខរចិន្តកានំ មតេ បន អក្ខរសញ្ញាវិសយេ អការាទយោ កការាទយោ ច វណ្ណា អក្ខរន្តិ គហេតព្វា. លោកិយមហាជនេន កត្តព្វេ លោកិយមហាជនេន កតសញ្ញាវិសយេ មហាសម្មតោតេ្វវ បឋមំ អក្ខរំ ឧបនិព្វត្តន្តិអាទីសុ បទភូតោ អត្ថជោតកោ វណ្ណសមុទាយោ អក្ខរន្តិ គហេតព្វោ. ជាតកដ្ឋកថាយម្បិ កិំ តេត្ថ ចតុមដ្ឋស្សាតិ ឥមស្ស បាឡិប្បទេសស្ស ព្យញ្ជនំ សោភនំ, អក្ខរត្ថោ អសោភនោតិ អត្ថសំវណ្ណនាយំ បទភូតោ អត្ថជោតកោ វណ្ណសមុទាយោយេវ ព្យញ្ជនន្តិ អក្ខរន្តិ ច នាមេន វុត្តោតិ គហេតព្វន្តិ. អយមេត្ថ សង្ខេបោ, វិត្ថារោ បន តត្ថ ឱលោកេតព្វោ.